NIBWOS-BWOS NYENTI 1:11 - ALLAH NIHYET MEM TUNGWATU NYA

¹¹ Timiei nya iba ninso-nso nyenti binggok njita o! Iba ide ndigban di nibok kak pima biluei njita ba, iboom inghop leu binhyepo imai inggum bi o! Minu ndig Yerusalem hara nok tungwatu bipai “tuhan e, angat da ba, angig ayai kep da tut ditde ninghuisi wei hagom ug e!”

NIBWOS-BWOS NYENTI 1:11 Iomraidhean Croise

NIBOU NDIG NYA GI NICAN 6:25

Lene mun di buhun dini bindei ba, ninggum nindig bibor hwen timiei Samaria yahagom. Yo di itri keledai nibou itri bibipek mitiei perak nitig ningot muhwindaningai. Lene yo di itri hakimoi mbrei noi kilo niken he itri bibipek mitiei perak nitig muhwi.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

YEREMIA 15:19

Lene tuhan buhup “Gino angkwei hanyen ndam Da lene midijoi sut na leu api anok Ditde awak hanyen bu. Gino ambrap-mbrap wai bu bi noro atri tut nihyet di bon ninyeng leu api midisindui sut ba, anok nabi mem Da hanyen bu. Apino ade limwa nya minduk yam kwei bingwig kep na. Suar ma aug nggok-nggok nyen yok bu au.

YEREMIA 19:9

Jide siceu nya migyon ttai minu ndig dini bihwen kep timiei nya yahagom. Mun di buhun bibor di cut igkep yok mibindei ba, tungwatu nya mibui ide tungwatu di inttig-tta kin imunggwom bat nya cem nok mikwau.”

YEREMIA 38:9

“Na di Andigpoi e, nibou di igya kui na pima yok igyai munti kinei bibor. Yoni injei Yeremia ug ei jui minyeiti ba, ningat ne noni mimai ninggum ei jui nsi dima lewo njita ngwig leu minu dini tu.”

YEREMIA 52:6

Ug ei njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem ba, njita hagom ngwig leu yok tu,

NIBWOS-BWOS NYENTI 1:8

Minu ndig Yerusalem ba nirom birus nonti tug hon gi bon sisar di kinei bibor mang-mang o! Yo di nipou yo ibou cut binoni yahagom ingat ningat nguti lene iba ighyet bicig! Minu ndig dima nso-nso nyen lewo gwam nimmaiti o!

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

NIBWOS-BWOS NYENTI 2:12

Iba ninghuisi di jet bipim biyahara njita kin minyei bak ipmem bat nya ba, idem kep yo di ibok-ba di itti-tti wai ei puigsi nya leu api imai ei ipmem bat nya imigsi ei o!

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

NIBWOS-BWOS NYENTI 5:1

tuhan e, ma ayok ngon kep mun di cut igkep nye o! Ma atou kep nye ba, angat niwer mindheti o!