NIBWOS-BWOS NYENTI 1:1 - ALLAH NIHYET MEM TUNGWATU NYA

¹ Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

NIBWOS-BWOS NYENTI 1:1 Iomraidhean Croise

NIBOU NDIG NYA GI NIGOM 4:21

Bikwop ig bei gom-gom ima ide miai ba anggur kin miai biei ara nghousi. Salomo de limwa nya bidem hanjop Yehuda kin minu Israel nisurti-nipekti di ibong ei hanjop Dan kikau ug bipek kin minu ndig Bersyeba yahagom ibong kei igwam kei mem nijam di Salomo niyaijo yo. Lewo nibou ndig di ibong ei Minyei Efrat nite dini kwei bei mpia nicutti yahagom ibou cut bak noni. Nok gima cem mben di ibong ei minu di jo ttai Salomo de ninyeng tak kepti nya yahagom ihig isut bit noni. Salomo ninyeng tak kep dihyei ei Minyei Efrat nite dini kwei ei bei mpia nicutti ei Tifsah di jo Minyei Efrat nyai kikau ug ei nite mpia nicutti bipek kin minu ndig Gaza ei hanjop minu Filistin kikau ug bipek kin minu niya kwas yamti ei minu Mesir. Mben nya di ibong ei minu dima yahagom ibou cut bak Salomo ba, igo kep belasten bak noni. Njita di Salomo nya isuar bikwop njap-njap rino tepun di ndung-diem liter sribu muhwi kin tepun nitu liter sribu simnai kin sapi nihyen ei ig kandanti ningut simnai lene sapi nihyen bas ei ngoi dumti ningut nyatungwagom kin domba ningut sribu gom bitut rusa nitu kin rusa kijang kin rusa menjangan kin ha ninyengti hagom.

NIBOU NDIG NYA GI NICAN 23:33

Ninyeng nibou ndig mem timiei Yehuda nya cut ei mpe di Nekho di nibou ndig mben Mesir pima kat noni binggam ei minu ndig Ribla ei hanjop Hamat. Lene Nibou Ndig Nekho bidip huk timiei Yehuda nya leu binhyepo imbus perak kilo sribu ningai ba, sratus bitai kin mas kilo ningot ningai ba, bitai nok belasten di suar igo bak noni.

NIBOU NDIG NYA GI NICAN 23:35

Nibou Ndig Yoyakim dahat nide limwa nya tut mitiei bit leu tungwagom-gom nisindemti mem gima bigo belasten gau yonti bak nibou ndig mben Mesir bit leu nibidip hukti pima.

NIBOHON MBEN ISRAEL GI NICAN 9:26

Ninyeng tak kep nibou ndig nya ei minu di ninyeng tak kepti nisurti-nipekti leu Minyei Efrat kikau ug bipek kin minu Filistin ide kikau ug ei minu Mesir niya kwas yamti cem.

EZRA 4:20

Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

NEHEMIA 5:4

Ba, bihi bu ipai “Nidahat mitiei mem gima nibigo belasten gau nyende miai njita kin miai ba anggur ngat nghousi bit leu nibou ndig nikos tut ei su.

NEHEMIA 9:37

Lewo nibou ndig di abindei ba, inyeng tak kep nye igyem njita ngat leu beisi dini hagom sindam lene ibibon nyeni kin nyende mindhe-ndhe nya bit leu ingon kanti. Ningat ne mun dini yok hagom cut igkep nye drek dip nyende sisar. Nibou dima yok inyeng tak kep nye kin nyende mindhe-ndhe nimuhup tu nya bit leu yonti ingon kanti. Leu gima rino nogindia nitug ndei ninghuisi wei ba, ningon kinei bibor lewo ico kep nye.”

MAZMUR 122:4

Keret mben Israel di tuhan dimig ei su nya induk yam kwei ei mpia dini leu binhyepo ipai sigyo hanyen biNoni bit leu nok nicuk yoti.

YESAYA 14:12

Nibou ndig Babel e, nipou yo ne anok singmur di ninjeng piga kei. Noro tini bu ne acut leu mpia-bbed him! Nipou yo ne abindei timek ngkiai nya ba, icut bina. Noro tini bu ne tuhan com na ug ei dihyei jou.

YESAYA 22:2

Ma jahagom ei minu ndig jibon pesta nya bijiba jingon di nggei-hi-nggei bimbos-hi-mbos au. Lewo jide tentara nya di imai ei pranti dini imai drek dip gi ikon pran bi.

YESAYA 3:26

Tungwatu nya migwam ei dimbou pmem ei minu ndig dima nuhui bingon ngguk bipim nggruet. Minu ndig dima ningat minok sop di juk sinsun leu di nijou hangwang bigwam ei dihyeiti.

YESAYA 49:21

Mpe dima lene akan, ‘Tou srek tut munggwom dini yok yahagom bak sa i? Lewo simunggwom bat nya ipror leu sa ba, sipijet hon tu. Ngkiai nya ikat sa bicom sa ug ei singkiaisi lene yahagom ikes sa ei ba, sibong bisangkom. Gima rino munggwom dini yok ikwei leu hantou i? Tou rinyohou yok di bindei ba, imahan tu i?’ ”

YESAYA 50:5

tuhan yai ningon di dorti bida. Ditte tut Noni bidiba dingha bak bi.

YESAYA 52:2

Je di mben Yerusalem e, ma jikiju leu dihyei ndung ba, jimpig jide sinsun tut atriem ntui di rap je leu je. Je di timiei Sion di jisima hukum e, ma jipas lante di ngot jikimam leu je!

YESAYA 52:7

Yo di ingat no di ttau kep yok ei nungug him igyai nillei nindig bibor lewo no dima kwei sut nihyet di kei kin nihyet tut ningon kwes kin yamti kin nihyet tut niteu ningwes ngunti bak Sion bipai “Jide Allah ne Nibou Ndig ri!”

YESAYA 54:4

Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

YEREMIA 40:9

Gedalya pai biyok “Ma jittin tut gi jikes jenti ei nibou ndig Babel ninda nsi au. Jibong hak ei ide minu dini ba, jinok awak mem noni hak ug. Dipreu ei mem je bipia mijingwes ngun tug hon dani.

YEREMIA 42:2

ngat da bipai “Andigpoi e, angat bou ayai him bipia nipou ne nye dini nimang noro tini bu ne nijo poi mien he. Nahara bak na di andigpoi leu binhyepo angat nadi bak tuhan Allah di akuk na bak. Angat nadi tindei nye di niken di nimang bibor bu bi dini,

YEREMIA 44:2

Gini ne tuhan Di Sindem Bibor di Allah Israel nihyet di sok mem yok rin, “Jingat mun di buhun di dikes kwei ei minu ndig Yerusalem kin minu ndig ngot gi nindigsi nya ei Yehuda dip bou jiyai him tu. Minu ndig ngot dima timek ningwig tu ba, hi bong ser bi kikau kwei bipek ammani kep.

YEREMIA 44:6

Gima ribindei di disiber Ditde nigga biborti ei minu ndig ngot di jo ei Yehuda kin puig ngot di mbut ei minu ndig Yerusalem dip ug a. Dindig hagom bindung-ndiem ba, ngoi hak cem. Ba, jingat gima bou jiyai him tu.

YEREMIA 50:23

Mben Babel ikrau apak bibui dihyeisi dini titut yam bindung kei tu. Noro tini bu ne apak dima dahat tu! Ngkiai nya yahagom imiap tut mun di cut igkep minu dima leu api idigit tut.

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

NIBWOS-BWOS NYENTI 1:19

Dijem tentara di itti kin da pima yok lo, yaham imbuk kep da o! Imam nya kin nibou mien nya yahagom inggok njita mem gima igyem bibahati tut igyaisi noro imai kak simpak bidem minu ndig dini tu o!

NIBWOS-BWOS NYENTI 2:1

tuhan ba niggati biyai nibou tut bibindei ba, nidinditi jun nungug Sion o! Noni com minu Israel ninyeng di jei di kui sur mpia-bbed him ug ei dihyeisi tu o! Njap dima ne tuhan gga bibor bikes Nide Ig ei nungug Sion bijo ei o!

NIBWOS-BWOS NYENTI 2:10

Ndigpoi ndig nya igwam bbwe ei dihyeiti ba, ikam dihyei ndung bikes ei ibou nggram himti lene ijuk sinsun kron di bindo tut ingon di ngguk o! Sop gwam nitta pilei ningat nya cem igwam biyuhuk bou lene iba ingwak bikik dihyei o!

NIBWOS-BWOS NYENTI 4:1

Mas pimbai di jimjit kei pima pimber tu o! Tig di ibingot tuhan De Ig pima cut biyem mpia ei simpak o!

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

YEHEZKIEL 26:16

Nibou ndig di inyeng tak kep minu di jo sir muk pimat nya mingat mun di cut igkep na lene mikiju leu ide banggo mbrei bijuk ide sinsun nibou ndig kin sinsun di iba minghas linen bibon bikes ei leu yok. Leu api igwam nidigit-digoiti ei dihyeisi. Ittin bibor ba, gi mbun ingon jo nyahan kan bi.

YEHEZKIEL 26:2

“Na di tungwatu di ayaijo kikau bi e, timiei Tirus nya imbos-hi-mbos ba, ibipai ‘Minu ndig Yerusalem timek tu o! Nide nisindemti nitri-nipek munti cut hak tu o! Noni miba nisindemti bibingon nye bu bi o!’ ”

YEHEZKIEL 5:5

tuhan di ninyeng jei bibor pai “Angat i! Gini ne minu ndig Yerusalem ri. Dikes minu ndig dini ei dihyeisi nahacan ngatti lene ngkiai ide minu di ibongti nok minu ninda rom jo ttai minu ndig Yerusalem.

IMAM NYA IDE MIDYAI 26:31

binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

ZEFANYA 2:15

Mun dima yok hagom micut igkep minu ndig di ninggei ngwig sut nide nisindemti di kan bipia ibong kei igwam kei dima. Timiei nya ikan bipia ide minu ndig dima nindig bibor dor njiriek minu ndig dihyeisi dini hagom. Ayo! Minu dima mpia mbum-bra bibor lewo hi di bong ser bi. Noro mindhe-ndhe bigbehei nya he rino itot yaham eisi! Yo di ikak puig binjiriek minu ndig dima midigit tut ba, ingkek hyenha tut.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’