NEHEMIA 9:5 - ALLAH NIHYET MEM TUNGWATU NYA

⁵ Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

NEHEMIA 9:5 Iomraidhean Croise

NIBOU NDIG NYA GI NIGOM 8:14

Tirigi nide limwa nya yahagom igya igyati lene Nibou Ndig Salomo kiek no bitou kep yok leu api ngat nadi tindei mun di kei leu Allah mem yok.

NIBOU NDIG NYA GI NIGOM 8:15

Lene noni pai biyok “Ma nyeni yahagom inggei sut mben Israel ide tuhan Allah! Noni yai mun di Noni preu ei mem dicig Daud hagom nok gi dem bit leu nok gi po pai binoni,

NIBOU NDIG NYA GI NIGOM 8:22

Tirigi Salomo de limwa nya itou kep noni nggilun lene noni kiek no biba noho rok nimbar hum ndok bisu ninda hacem,

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOHON MBEN ISRAEL GI NIGOM 16:36

Jikon tuhan Allah Israel ninyeng nogindini cem bijo ninno bijo kikau cem! Leu api mben Israel yahagom ipai “Igbit ri.” Leu api ikon tuhan ninyeng a.

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NIBOHON MBEN ISRAEL GI NIGOM 29:13

Nyende Allah e, nipai sigyo nindig bibor biNani binikon anyeng di jei bibor cem.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

NIBOHON MBEN ISRAEL GI NICAN 20:13

Mpe dima lene pinai Yahudi nya kin itnem bat imunggwom bat nya yahagom no igya kui tuhan De Ig ei dimbou heisi ba,

NIBOHON MBEN ISRAEL GI NICAN 20:19

Leu api Lewi nya di intun Kehat kin Korah insi de him nya ikiju bigya. Iba nimbos-hi-mbos bikon mben Israel ide tuhan Allah ninyenga.

EZRA 3:11

Iba doia binggei sut tuhan bipai, “tuhan kei-kau ba, ningon ngakei mben Israelti bijo ninno bijo kikau.” Tungwatu nya yahagom imbos-hi-mbos sindem bibor binggei sut tuhan lewo tukan nya ikinyon ei midyai niwin tuhan De Ig nikiouti hanyen tu.

NEHEMIA 9:4

Keret Lewi di inyeng rino Yesua kin Bani kin Kadmiel kin Sebanya kin Buni kin Serebya kin Bani kin Kenani yahagom igya nai ei impek gomti ba, iba ighyet nindig bibor ngat nadi bak tuhan di yoni ide Allah.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

AYUB 1:21

lene pai “Tirigi dipmem gwam tut da ne dehei he. Mpe dino dimai lene midehei he. tuhan yai bida leu api Noni yai hagom bingwig hanyen leu da tu. Handei kon ba, tungwatu nya inggei sut ninyenga!”

MAZMUR 106:2

Tou rino dem mem gima tri tut tuhan niyai munti di nindig bibor i? Tou rikon ninyeng nok gi dem i? Hi bi!

MAZMUR 134:1

Doia nikui ug ei Mbigdip Sion. tuhan de awak je di jiba mmun bikuk je biNoni ei Nide Ig e, jahagom jikwei bijinggei sut tuhan.

MAZMUR 145:2

Dipai sigyo biNa bikwop mmun-njap bidinggei sut Na bijo ninno bijo kikau.

MAZMUR 145:5

Yoni misimbot kep biyam tut Ade nikei-kau-keisi kin anyeng jeisi cem. Midikim mbrap tut Ade midyai di mindur nya.

MAZMUR 146:2

Midinggei sut tuhan mem nijam di diyaijo dini bidipai doia nibinggei sut Allahti tirigi dingat rin ei dihyeisi dini.

MAZMUR 16:2

Dipai “Ditde tuhan e, anok nibousi mem mun di kei bibor kei hagom lewo hi ninyeng jei dor njiriek Na bi!”

MAZMUR 66:2

Jiba doia bikiek ninyeng di jei bibor bijinggei-nggwang tut Noni cem.

MAZMUR 99:3

Nna ba, ikon ninyeng di jei di dia-diau kei cem. tuhan kwes-kwau!

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 15:6

tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

DANIEL 2:20

bipai “Allah ningon ki cem sindem bibor cem! Ma tungwatu nya inggei sut Noni bijo ninno bijo kikau.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

NINDAT KEP TUHAN NICUKTI NYA 28:58

Gino jiba jingon di gom bibit jide tuhan Allah ningginau jeti nya di jo ei srat diniti ba, jinggei sut jide tuhan Allah di ninyeng jei bibor bijinga leu tut Nide nisindem biborti cem bi,

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

NIJAM NIKEI NYA 13:18

Lene tuhan de malaikati buhup “Nggon rino jihig ser da tut dinyeng i? Lewo dinyeng mindur.”