NEHEMIA 9:1 - ALLAH NIHYET MEM TUNGWATU NYA

¹ Ug ei njap gi ningot can ba, bitai ei bed dima lene mben Israel yahagom induk yam kwei bisindui njita mem nituti poi ba, ijuk sinsun kron cem yahap dihyei ndung ei ibou nggram him cem di bindo bipia ittin ser ide sisar.

NEHEMIA 9:1 Iomraidhean Croise

SAMUEL GI NICAN 1:2

Njap di hyep bu lene pinjoi pilei gom tau kwei leu tentara Saul ide prak meng yati. Noni bindei ba, nide sinsun rik-ta bikes dihyei ndung ei nibou nggram him nok bindo tut ningon di ngguk bibor. Noni kwei ngat Daud lene kuk no biba ningwak bikik dihyei ei nimig him.

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

NIBOHON MBEN ISRAEL GI NICAN 7:10

Njapti kui ne njap gi nyatungwagom ba, ningai ei bed gi nimuhwindacan rin leu api Salomo cuk yo ngot ndig dima bingkwei hanyen ug ei ide ig. Lene yahagom ingon kei sut mun nyeng di kei di tuhan bon bak Nide limwa mben Israel kin Daud Salomo nya cem hagom.

EZRA 8:21

Mpe dima lene ditri tut bipia suar yo di idem yam ei minyei pimat dima yahagom igyem njita bi mem nituti poi ba, yoom yonti ei Allah Noho bei bingat nadi leu binhyepo Allah bie tut nye cem nyohou nyeni kin nimunggwom bat nya kin ndigban nyende nya hagom cem kak nimbutti dima.

EZRA 8:23

Gima rino niyem njita bi mem nituti poi ba, nibingat nadi bak Allah ba, nahara leu binhyepo Noni minyohou nyeni apino Noni buhup nadi di ningat dima.

NEHEMIA 8:2

Gima rino noni ug yai srat dima bikwei sut ei biyati dima. Pinai nya kin sop nya kin munggwom nya di imbusyam ei mpia dima wer imahan ba, yahagom intin kimbo tu.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

ESTER 4:3

Tirigi yo pima itri tut nibou ndig nicukti bidem hanjop nsi hagom tu lene mben Yahudi ipim nggruet bidem minu Persia kin Media nisurti-nipekti hagom. Lene ibiyem njita bi cem ipim kui jei sut cem iba nicot pai nyen cem ba, imang bibor ijuk sinsun kron ba, irim-rim nyen bibong atriemti cem.

AYUB 2:12

Tirigi igya ei minu ting bingat Ayub lene ingat igbit noni bi. Noro tirigi ingat igbit noni tu rino ipim kep ba, igyai nggwei kibor birik ide sinsun ei yo him cem lene ikam dihyei ndung ba, igimahap hi kui lene ikes hi ei ibou nggram him cem. Igyaisi dima bindo bipia ingon ngguk bibor.

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

IMAM NYA IDE MIDYAI 23:39

Gima rino tirigi jike jide gandum nintam bingwig leu su lene ug ei njap gi nisimnaimuhwidip ei bed gi nimuhwindacan ma jibon njap ndig gom kin bu kikau mem mmun-njap muhwindacan. Njap gi nigom kin njap gi nimuhwindaningai lene suar jigwam kep jinghuisi.

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”

NIJAM NIKEI NYA 20:26

Apino mben Israel ingkwei hanyen ug ei minu ndig Betel ba, ipim ei tuhan Noho bei. Yoni igyem njita bi kikau bimmun kep. Lene ibon midut nibiyai ningon kwes kin Allahti cem midut nindig mindhe titut kep humti cem bak tuhan ei mpia dima.

SAMUEL GI NIGOM 4:12

Lene tungwagom di nimbier kim keret Benyamin dor kikau kwei leu mpia po tentara ikon pran bit yam pima bikwei krau Silo ei njap gom ndia. Lene noni rik nide sinsun birik-ta bikam dihyei ei nibou nggram him nok bindo bipia ningon ngguk bibor.

SAMUEL GI NIGOM 7:6

Gima rino yahagom induk yam kwei ei Mizpa ba, ibon midut nitau nisiber minyei ei Allah Noho bei. Leu api igyem njita bi ei ninsi njap nitindur gom dima. Yahagom ice tut yam bipai “Nibon sisar tut Allah tu.” (Ei minu Mizpa ne Samuel sindi gwam nok nikei ba, mbus mben Israel di iba ighyet dahat yam ingonti.)