NEHEMIA 8:6 - ALLAH NIHYET MEM TUNGWATU NYA

⁶ Lene Ezra pai “Jikwei ba, yahagom inggei sut tuhan! Noni ne Allah di ninyeng jei bibor ri!” Lene nide limwa nya yahagom isu inda kui bibuhup “Igbit ri! Igbit ri!” Lene ikuk yok ba, iba ingwak bikik dihyei binggei sut Allah.

NEHEMIA 8:6 Iomraidhean Croise

NITRITI 14:22

Lene Abram buhup “Deheng bitug hon tuhan di nok Allah Di Ninyeng Jei Bibor di pai tes mpia-bbed him kin dihyeisi dini ninyeng bipia,

NITRITI 24:26

Lene awak di Abraham de kuk no binggei sut tuhan,

NIBOHON MBEN ISRAEL GI NIGOM 16:36

Jikon tuhan Allah Israel ninyeng nogindini cem bijo ninno bijo kikau cem! Leu api mben Israel yahagom ipai “Igbit ri.” Leu api ikon tuhan ninyeng a.

NIBOHON MBEN ISRAEL GI NIGOM 29:10

Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

NIBOHON MBEN ISRAEL GI NICAN 20:18

Leu api Nibou Ndig Yosafat ba nibiau bicom dihyei lene ba ningwak bikik dihyei bikuk no bak tuhan. Lene limwa nya yahagom igyai bram niyaisi dima.

NIBOHON MBEN ISRAEL GI NICAN 29:10

Nogindini diyok dingon mem gima dipreu mun ei mem mben Israel ide tuhan Allah leu binhyepo Noni gga nye bu bi.

NIBOHON MBEN ISRAEL GI NICAN 29:30

Nibou ndig kin nibou di inyeng jei nya icuk Lewi nya bipai doia nibikon tuhan ninyeng ngot di Daud Asaf nya ipas kep nya. Tungwatu nya yahagom iba ingon di nggei-hi-nggei bipai doia lene iba ibiau bicom mpia lene iba ingwak bikik dihyei cem bibikuk yok bak Allah.

NIBOHON MBEN ISRAEL GI NICAN 6:4

Bipai “Nipou yo lene Na Di tuhan apreu kep dicig Daud ba, apai ‘Leu nimbie him tirigi dibuwak Ditde limwa nya di yehei leu minu Mesir kikau kwei bipek njap di ammani kep lene didimig minu ndig gom ei minu Israel nok gumihyep di suar yoni ingot ig eisi binok gumihyep di ibikuk yok biDa eisi bi. Lene didimig tungwagom leu mben Israel ikieti ei nok nibou ndig mem Ditde limwa mben Israel cem bi. Noro tini bu ne didimig minu ndig Yerusalem ei nok gumihyep mem gima ikuk yok biDa eisi. Lene didimig na di Daud ei mem gima anyeng tak kep Ditde limwa nya.’ Noni pai nok rino da di Salomo dinggei sut mben Israel ide tuhan Allah di yai mun bipek kep nipreu eisi dima tu.”

NEHEMIA 5:13

Leu api dikwek minghas nibou di jo dintig bou bidimpig bidipai biyok “Bikwop tungwagom-gom di bon mun bipek kep nipreu eisi dima bi lene ma Allah mpig no dima nok minghas di dimpig dini. Allah miyai mun di nyeng tut nya hagom leu no dima leu api noni minok nikinei-kinau hak.” Yo di idem yam ei dima ibuhup “Igbit rin o!” Leu api yahagom ikon tuhan ninyeng a. Apino nibou nya yahagom ibon mun bipek kep ide nipreu eisi.

NEHEMIA 8:7

Leu api yahagom ikiju hanyen bigya igyati lene Yesua kin Bani kin Serebya kin Yamin kin Akub kin Sabetai kin Hodia kin Maaseya kin Kelita kin Azarya kin Yozabad kin Hanan kin Pelaya di keret Lewi nya yahagom ingginau limwa nya tut Srat Nicukti dima.

MAZMUR 134:2

Ma jisu jinda ndam Ninsi Di Kwes-Kwau bijinggei sut tuhan!

MAZMUR 141:2

Ayai ditde nadi tereu nok biei nggrai di ui-gwang kei di dindig ei nimbar hum dokti kin dinda di disu tereu nok midut nindig mindhe titut kep humti mem mmun.

MAZMUR 28:2

Amiap kep dihyet mpe dino dahara Nani mem gima ampu da ba, mpe dino disu dinda tug hon nadi ndam Ade Ig di kwes-kwau niyati cem.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

MAZMUR 63:4

Angon ngakei dati di ug hon nohonti bi dima ne kei bibor kei dor njiriek niyaijoti. Gima rino midinggei sut Nani.

MAZMUR 95:3

Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.

NEHEI LEUSI 12:27

lene jibuhup bipia nibon midut dima ne mun di ibui kep Njap Ndig Paskah rin ba, ibinggei sut tuhan. Lewo Noni njiriek mben Israel ide ig ei minu Mesir tirigi po Noni yai nimai bak mben Mesir pima leu api nyeni ingwes ngun.” Lene mben Israel pima yok yahagom ikuk yok ba, inggei sut tuhan.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

YEREMIA 28:6

“Kei bibor! Handei kon ba, ahyet di atri tut dima mipek kep hak ug ba, tuhan ngkwei ndigban di ipos leu tuhan De Ig hagom hanyen kwei leu minu Babel bitut yo di isima ei ingkiaisi ei minu dima yahagom hak ug.

NIBWOS-BWOS NYENTI 3:41

Jikwei ba, iba ingonti titut yam bingat nadi bak tuhan nok gini,

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MATIUS 26:39

Leu api Noni ug ei pas poi leu yok bikuk No lene ba ningwak bikik dihyei bingat nadi bipai “Arig e, gino bit leu angon kanti ne ma abindei ba, ninghuisi wei di suar cut igkep Da jo minu ting leu Da hak ug. Noro dibit dingon kanti bi leu binhyepo dibit angon kanti.”

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

KORINTUS GI NIGOM 14:16

Leu gino jiba jinnei he bipai sigyo bak Allah lo, hiter di miap Allah Ninnei nihyet di mindur bi srig jikieti ne bit bon no dima pai “Igbit ri!” hanyen drek dip jide nadi kan bi. Lewo miap igbit jihyet bi.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

TIMOTIUS GI NIGOM 2:8

Dijoi sut gino pinai nya bidem minu hagom iba ingon di kwes bingat nadi. Tirigi ingat nadi lene ma ingon sibui sut yam ba, iba ighyet bidahat yam cem au.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

NINGAT-HI-NGAT NYA 7:11

Leu api malaikati nya yahagom igya bikrop ttai banggo mbrei kin nibou nya kin mindhe nya ningut bitai leu api iba ingwak bikik mpia ei banggo mbrei nuhui binggei sut Allah,