NEHEMIA 8:3 - ALLAH NIHYET MEM TUNGWATU NYA

³ Noni kiju biya ei dimbou heisi dima bou yahagom yoho bei bikwop Srat Nicukti leu njap bigyoti kikau bipek mpia huk pijum. Lene yahagom ingig itingou mem nihyet.

NEHEMIA 8:3 Iomraidhean Croise

NEHEMIA 10:29

nahagom nibicom yam bit nyende nibou nya ba, nahagom niba neheng bipreu ei mem gima niba nyeni niyai munti nya bibit Allah Nicukti di niyai tug hon Nide awak di Musa. Gino niyai bipek kep mun di nipreu sut ei Allah Noho bei dini bi lene ma Noni sigion nye hak ug. Nyeni niba neheng bice tut mem gima nibit nyende tuhan Allah nicuk nyeti nya kin Nide nikos tutti nya kin ningginau nyeti nya hagom.

NEHEMIA 13:1

Mpe dipo Imam Ezra kwop kep Musa Nicuk yokti nya bak limwa nya pima ne noni um nipas kepti di nibimbiti pai “Harin dima mben Amon kin Moab ibicom yam bit Allah de limwa nya a.

NEHEMIA 8:1

Ug ei bed nimuhwindacan lene mben Israel yahagom ibong kei igwam kei bidem ide minu ndig nya hagom. Ug ei njap gi nigom ei bed dima ne yahagom induk yam kwei ei minu ndig Yerusalem bidem yam ei biyati di nindig gom ei Dimbou Pmem Minyei Su nite dima ug ba, yahara imam Ezra di ningon ki tut Nicukti di tuhan yai bak mben Israel tug hon Musa leu binhyepo noni ug yai Srat Nicukti dima kwei.

NEHEMIA 8:18

Ibon pesta dima mem njap nitindur muhwindacan. Ezra kwop hanjop nsi gom leu Srat Nicukti dima ei yoho bei bikwop njap ngwa hagom. Ug ei njap gi nimuhwindaningai lene ibon midut gi ningwigsi gom bit leu nok Srat Nicukti dima nicuk yoti.

NEHEMIA 8:4

Noni kui biya impek gom di tukan nya inen mem njap ndig dima. Matica kin Sema kin Anaya kin Uria kin Hilkia kin Maaseya yoni igya kui ninda com ba, Pedaya kin Misael kin Malkia kin Hasum kin Hasbadana kin Zakharia kin Mesulam yoni igya kui ninda prak.

NEHEMIA 8:5

Tirigi Ezra kiju biya ei impek dima dip rino yahagom itou kep noni nggilun lo, tirigi noni mbrek leu Srat Nicukti rino yahagom ikiju bigya pijum.

MARKUS 12:37

Gino Daud jem Nibou Ndig di teu tungwatu nya biyai niyaijo nijep biyok ninyeng Tuhan lene notou Nibou Ndig di teu tungwatu nya biyai niyaijo nijep biyok ntun Daud him i?” Mpe dima lene tungwatu ningot ndig di idem yam ei Tuhan De Ig ijoi sut Yesus ningginausi nya.

LUKAS 19:48

Noro bon nituti mem igyai nimai biNoni bi lewo tungwatu nya yahagom ingig itingou mem nihyet ba, ijoi sut ningginau yokti nya.

LUKAS 8:18

Gima rino ma jiyok ngon kep mun di tibim ei jitingou nsi. Lewo Allah mikum eisi bak no di nyohou mun di jo binoni noro Noni mitug niken hanyen leu no di nyeng tut mun nyeng hi bi.”

KISAH 13:15

Niabiati nibou mbusyamei gom kwop ayat leu Puig Yahudi nicukti nya kin srat nabi nya ide cem tu lene nibou nya icuk hi bihig ser Paulus nya bipai “Nisut bat jen, gino jikwei sut nihyet di biwin kep tungwatu ingonti lene ma jitri tut nihyet dima binye hak ug.”

KISAH 13:27

Yesus ne No di teu tungwatu leu ide sisar biyai niyaijo nijep biyok ri. Noro timiei minu ndig Yerusalem kin ide nibou nya ikan tut bi. Yoni ingon dorti tut nabi nya ide ningginausi di ide nibou nya ikwop bikwop Njap Nigwam Kep Ninghuisi bi. Leu api ijem nimai gau Yesus. Tug hon nisinati dima lene ibindei ba, nihyet di nabi nya itri tut Yesus nipou su pima pek kep tug hon Noni.

KISAH 15:21

Lewo nibou nya ikwop kep Puig Yahudi nicukti ei jide ig mbusyamei hagom bikwop Njap Nigwam Kep Ninghuisi leu nipou kikau kwei bipek ammani kep bitri tut nihyet dima nggi minu cem.”

KISAH 16:14

Lidia di sop gom leu minu ndig Tiatira no rima bintu kep nihyet di nitri tut biyok. Sop dini tri minyas nghei nta di nibok kui bipek mitiei ba, kuk no kikep bak Allah cem. Tuhan bindei ba, Lidia ningon llei sut Paulus nihyet leu api ningon jo kep.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 20:11

Leu api noni kui hanyen ug ei nghim nsi dima lene ki roti biyem njita bit yok. Noni mbrap bit yok kikau bipek gwam ntuisi leu api kes yok bimbut leu yok.

KISAH 20:7

Nahagom nidem yam mem mben Yahudi ide njap nigwam kep ninghuisi mem mmun leu binhyepo niyem njita bit yam. Paulus tri nihyet biyok buhuk nihyet kikau mmun mau lewo noni kos tut bipia kes yok bimbut leu yok ei njap di hyep bu.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

NINDAT KEP TUHAN NICUKTI NYA 31:9

Lene Musa pas kep tuhan Allah de nicukti nya hagom ba, kes srat dima ei imam di intun Lewi him di inyeng tak kep Allah de Brua Gi Preu nya indati kin nibou mben Israel indati cem.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

YOSUA 8:35

Yosua kwop kep tuhan nikos tutti nya di tug hon Musa gom-gom sindam bak limwa mben Israel di idem yam ei mpia dima yahagom bitut sop nya kin munggwom nya kin ngkiai nya di ibong ei ikieti nya yahagom hak.

NINGAT-HI-NGAT NYA 2:29

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 3:22

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”