NEHEMIA 8:12 - ALLAH NIHYET MEM TUNGWATU NYA

¹² Gima rino yahagom ingkwei hanyen ug ei ide ig. Iba ingon di llei bibor bon pesta bidut anggur ningei cem leu api ibingondut yo di hiter lewo ingon dorti tut Srat Nicukti di tibim ei itingou nsi tu.

NEHEMIA 8:12 Iomraidhean Croise

NIBOHON MBEN ISRAEL GI NIGOM 29:22

Njap dima ne yahagom iba ingon di nggei-hi-nggei biyem njita bidut ndia ngei cem ei tuhan Noho bei. Mben Israel ikon ighyet nimbican bu tut Salomo nok nibou ndig. Ikon Salomo nok ide nibou ndig lene ikon Zadok nok ide imam tug hon tuhan ninyeng.

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

NEHEMIA 8:11

Lene keret Lewi pima yok imbut srig ide limwa nyati bipai-hi-pai yokti leu binhyepo ingon buhun mem njap ndig dima bi.

NEHEMIA 8:13

Njap di hyep bu ne nibou mbier nya kin imam nya kin Lewi nya yahagom yuug ngat Ezra leu binhyepo ipikor ei nicuk yokti nya di jo ei Srat Nicukti.

ESTER 9:22

Lewo ibindei timek ide nitok joti nya ei njap dima yok apino ningon nggukti kin ningon buhunti cut leu yoni ba, ningon nggei-hi-nggei kin ningon jo nyahan luei bu. Gima rino suar idem yam ei bibon midut niyem pesta bit yam bikwas njita tut yam cem tut yo di yuhui mbum nya cem ninyen.

AYUB 23:12

Dibit Allah nicuk dati nya bikwop mmun-njap. Digibit mun di diyok dingon mem nya bi leu binhyepo dibit Nonti ningon kanti nya.

MAZMUR 119:111

Ade nicukti nya ne dijem bou da nok ditde mun ninda rom bijo ninno bijo kikau ba, hagom bindei ba, dingon llei nindig bibor.

MAZMUR 119:127

Dingon ngakei Ade nicukti nya dor njiriek mas di pimbai kei.

MAZMUR 119:130

Tirigi ambot kep tut Ade ningginausi ne ninjeng piga digai nye ba, biyai ningon ki bak yo di ingon mbum nya.

MAZMUR 119:14

Dingon llei sut gi dibit Ade nicukti nya ba, hagom bon ninyeng dor njiriek nitug ndei ndigban nyeng hagomti pimo.

MAZMUR 119:16

Ade nimbrap tutti nya hagom bindei bidingon kei. Midibbwe ser Ade ningginausi nya bi.

MAZMUR 119:171

Midikon anyeng bikwop mmun-njap hagom lewo angginau da tut Ade nimbrap tutti nya.

MAZMUR 119:174

Diyok dingon mem Ade niteu da bidingwes ngunti. Ade nikos tutti nya biyai dingon nggei-hi-nggei.

MAZMUR 119:72

Nikos tutti di ayai bida bon ninyeng dor njiriek mas kin perak ei dihyeisi dini hagom.

MAZMUR 119:97

Dingon ngakei Ade nicukti nindig bibor. Dikan-kan nyen tut bikwop mmun-njap hagom.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

LUKAS 24:32

Yoni inga leu bipai biyam “Noni mbrap bit sa bindo igbit Allah Nihyet bisa ei puig sinon pima lene nihyet tot singonti bi e?”

ROMA 7:18

Dikan tut bipia mun di kei nyeng hi ningat rin ei dingonti kin dingut kanti di ntun dihyeisi dini himti bi. Mbro nok gino dingon kanti di kei bibor ntun dingon him lo, bit bon diyai dibou tut kan bi.

NINGAT-HI-NGAT NYA 11:10

Leu api tungwatu dihyeisi dini hagom ingon llei bibor drek dip nabi cin dima imaisi. Yoni mibon pesta bidek midek biyam drek dip nabi cin dima di ibindei ba, tungwatu dihyeisi dini yahagom itug ndei inghuisi wei nindig bibor.