NEHEMIA 8:10 - ALLAH NIHYET MEM TUNGWATU NYA

¹⁰ Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

NEHEMIA 8:10 Iomraidhean Croise

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NIBOHON MBEN ISRAEL GI NIGOM 16:27

Ba, Ninyeng Di Jei Bibor kin nikei-kau-keisi bicuon Nonti. Nide Ig mpung tut nisindemti kin ningon di nggei-hi-nggei.

NEHEMIA 8:11

Lene keret Lewi pima yok imbut srig ide limwa nyati bipai-hi-pai yokti leu binhyepo ingon buhun mem njap ndig dima bi.

NEHEMIA 8:12

Gima rino yahagom ingkwei hanyen ug ei ide ig. Iba ingon di llei bibor bon pesta bidut anggur ningei cem leu api ibingondut yo di hiter lewo ingon dorti tut Srat Nicukti di tibim ei itingou nsi tu.

ESTER 9:19

Gima rino mben Yahudi di ibong timiei ei minu mien nya ibon pesta dima ei njap gi nisimnaibrimigtai ei Bed Adar ba, gima ne ide njap gi ingon nggan-triot kei ri. Njap dima bon nituti mem ibon pesta ba, ibinjei njita di kei biyam cem.

ESTER 9:22

Lewo ibindei timek ide nitok joti nya ei njap dima yok apino ningon nggukti kin ningon buhunti cut leu yoni ba, ningon nggei-hi-nggei kin ningon jo nyahan luei bu. Gima rino suar idem yam ei bibon midut niyem pesta bit yam bikwas njita tut yam cem tut yo di yuhui mbum nya cem ninyen.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 89:17

Yoni ingon llei bibor tug hon asingat tut yokti bikwop njap jei!

NIPINGOK NINGONTI 17:22

Ningon di llei biborti bindei ba, inghuisi kwes noro ningon di buhun bibor bindei ba, inghuisi jet.

NIBA NINGON SRIP HUKTI 11:2

Ma jippiet jimati dima bak ibou muhwindacan e, he ibou muhwindaningai e ba, jibitin ei nipou tirigi mun di buhun hi cut igkep je bigyo.

NIBA NINGON SRIP HUKTI 2:24

Gi hi di kei mem tungwatu nya dor njiriek mun nindigsi rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya. Ba, dingon huk niti bipia gima cem mun di Allah yai binye ri.

NIBA NINGON SRIP HUKTI 3:13

Ma yahagom igyem njita bidut ndia ngei ba, ijoi sut ide midyai di ningat ntun him nya lewo Allah njei mun dima yok bak nyeni.

NIBA NINGON SRIP HUKTI 5:18

Gino Allah yai mitiei kin ndigban binye bisindui sut ba, ingat ingwes ei mun di inyeng tut dima lene suar ipai sigyo biNoni ba, ingon kei sut ningat di igyai leu ide midyai di igyai nya hagom. Gima cem mun di Allah njei bak nye ri.

NIBA NINGON SRIP HUKTI 9:7

Nnaba aba angon di llei biyem njita cem aba angon di nggei-hi-nggei bidut ndia ngei cem hak ug lewo Allah miwok na drek dip bi. Noro mijoi sut na.

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YESAYA 49:5

tuhan dimig da ei nipou tirigi dipmem srek tut da bigyo leu binhyepo dinok awak mem Noni. Noni cuk da leu binhyepo dimbus Nide limwa di mben Israel keyam ba, ingkwei hanyen ndam Noni. tuhan bindei ba, tungwatu nya ikon dinyenga. Noni ne ditde nisindemti nibousi ri.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

ZAKHARIA 14:21

Yoni mibet yengkuong ngot di jo ei minu ndig Yerusalem kin yengkuong ngot di jo bidem minu Yehuda hagom pijum ei mem tuhan Di Ninyeng Jei Bibor binok Nide bu. Limwa di ibui mindhe bindig ei nimbar hum dokti bak tuhan miba yengkuong dima bingei mikwau di ibikuk yok bak tuhan. Nijam dima tau ne nitri-nipek mun cig ingat rin ei tuhan Di Ninyeng Jei Bibor De Ig bi sren.

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

KORINTUS GI NICAN 8:2

Mun di buhun bibor cut igkep yok bibingon kikep yok. Mbro nok gima lo, ingon llei bibor kikau. Mbro nok gino yuhui mbum bibor lo, iba ide munkwas bingondut yo di hiter.

FILIPI 3:4

Ningat ne bon diba dingon com midut di nok gima. Gino hi kan bipia bon noni ba ningon com midut neet ningkek dipti ne dani cem diba dingon com midut dima dor njiriek bu.

NINGAT-HI-NGAT NYA 11:10

Leu api tungwatu dihyeisi dini hagom ingon llei bibor drek dip nabi cin dima imaisi. Yoni mibon pesta bidek midek biyam drek dip nabi cin dima di ibindei ba, tungwatu dihyeisi dini yahagom itug ndei inghuisi wei nindig bibor.

SAMUEL GI NIGOM 25:8

Nanti ahig ser yok leu api yoni mipai igbit bina. Gima rino Daud ba ningon com na ba, ma acigit nye di ninok nide limwa nya kui ig lewo nikwei ngat na mem njap ndig di ammani di jikwen yengti ri. Nahara nani ba, akwas mun nyeng hi tut nye di ninok ade awak dini lene hi tut Daud di nok angon kieti cem bit leu ajoi sutti.”