NEHEMIA 8:1 - ALLAH NIHYET MEM TUNGWATU NYA

¹ Ug ei bed nimuhwindacan lene mben Israel yahagom ibong kei igwam kei bidem ide minu ndig nya hagom. Ug ei njap gi nigom ei bed dima ne yahagom induk yam kwei ei minu ndig Yerusalem bidem yam ei biyati di nindig gom ei Dimbou Pmem Minyei Su nite dima ug ba, yahara imam Ezra di ningon ki tut Nicukti di tuhan yai bak mben Israel tug hon Musa leu binhyepo noni ug yai Srat Nicukti dima kwei.

NEHEMIA 8:1 Iomraidhean Croise

NIBOU NDIG NYA GI NICAN 23:2

ei tuhan De Ig. Yoni yuum imam nya kin nabi nya kin ide limwa di inyeng kin yuhui mbum cem yahagom ei mpia dima. Lene nibou ndig kiju biya ei yahagom yoho bei bindat kep srat bokti leu srat nikos tutti di Hilkia ngat ei tuhan De Ig pima biyok.

NIBOHON MBEN ISRAEL GI NICAN 34:15

Lene Hilkia pai bak Safan “Dingat Srat tuhan Nicukti Nya bou diyai him ei tuhan De Ig tu.” Pai nok leu api yai srat dima bak Safan.

NIBOHON MBEN ISRAEL GI NICAN 34:30

Leu api ya tut yok ba, yahagom yuug ei tuhan De Ig. Imam nya kin Lewi nya kin limwa nya kin yo di yuhui mbum nya kin yo di inyeng nya yahagom injei bit yok. Lene nibou ndig kiju biya ei mpia di ibet ei mem noni bou yahagom igyai him lene kon nihyet di nindig bikwop kep srat gi preu di ingat ei tuhan De Ig pima titut yam. Leu api nibou ndig bon gi preu bak tuhan mem gima ba ningon titut kin ninnei titut bibit tuhan nihyet kin tuhan Nicukti Nya kin Niggai Serti Nya cem. Noni yai mun bipek kep mun di tuhan kin tuhan de limwa nya ipreu kep yam tut po jo ei srat pimati tu.

EZRA 7:1

Ari bingwam mang bibor ser ba, tirigi Kaisar Artahsasta ninyeng tak kep mben Persia ne Ezra no rinaha. No dini kwop kep nidigup bat-nidigai bat nya inyeng kan kikau ug bipek Harun po Imam Nibou Ndig pima. Ezra nicig ne Azarya rin ba, Azarya ntun Hilkia him ba, Hilkia ntun Salum him ba, Salum ntun Zadok him ba, Zadok ntun Ahitub him ba, Ahitub ntun Amarya him ba, Amarya ntun Azarya him ba, Azarya ntun Merayot him ba, Merayot ntun Zerahya him ba, Zerahya ntun Uzi him ba, Uzi ntun Buki him ba, Buki ntun Abisua him ba, Abisua ntun Pinehas him ba, Pinehas ntun Eleazar him ba, Eleazar ntun Imam Nibou Ndig Harun him.

EZRA 7:10

Ezra dimig nide njap ei mem gima kwop-kwop nyen tuhan de nicukti nya bibindei mbut nicukti dima cem ngginau yok tut cem leu nipou kwei bipek ammani kep tu.

EZRA 7:11

Mpe dima lene Imam Ezra di ningon ki tut Nicukti nya di tuhan yai bak mben Israel dima pwoi srat nisindem gom di Kaisar Artahsasta yai binoni ba, srat dima nibimbiti pai,

EZRA 7:6

Mpe dima lene Ezra jo leu minu Babel bimbut ug ei minu ndig Yerusalem. Noni coi pikor wer ninno tu apino ningon ki ba, kan bidem tuhan di mben Israel ide Allah nicukti nya di tug hon Musa cem. Ezra kuk no bak tuhan apino Allah njei mun di kei bak noni bisindem tut noni nindig bibor. Gima rino nibou ndig Persia kwas mun di Ezra suar nya tut noni bit leu Ezra ningon kanti.

NEHEMIA 12:26

Yo dini yahagom igyaijo ei nijam di Yoyakim di Yesua nipmot lene Yozadak nignyon niyaijo yo pima lene sur nijam di Nehemia nok nibou hanjop nindig kin Imam Ezra di ningon ki tut Allah de nikos tutti nya igyaijo yo cem.

NEHEMIA 12:37

Tirigi yuug krau Dimbou Pmem Minyei Bousi lene ikrop yok ba, ikui lin di ug ei Daud De Minu Ndig ba, ibitunggwei Daud de ig nibou ndig. Leu api ijuk hanyen bikinyon ei ngug tig dip ba, yuug krau Dimbou Pmem Minyei ei minu ndig nite bei mpia nipriti.

NEHEMIA 8:16

Gima rino yahagom itot biei ninda nya kwei bibohok ig jibei nya ei ide ig bou ninjek dip kin ide ig him nya cem ei mpia di jo bas hak di iba ngug tig bikrop ttai simiak tuhan De Ig cem ei biyati dideu Dimbou Pmem Minyei Su kin Dimbou Pmem Efraim.

NEHEMIA 8:3

Noni kiju biya ei dimbou heisi dima bou yahagom yoho bei bikwop Srat Nicukti leu njap bigyoti kikau bipek mpia huk pijum. Lene yahagom ingig itingou mem nihyet.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

IMAM NYA IDE MIDYAI 9:5

Lene mben Israel igyai hagom bit leu nok Musa nicuk yokti. Ijem mindhe-ndhe nya kwei bigya kui dimbou hui ei Prak Meng leu api yahagom idem yam ei sirima leu binhyepo ikuk yok bak tuhan.

MALEAKHI 4:4

Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

MATIUS 13:52

Lene Yesus pai “Bikwop guru Puig Yahudi nicukti di coi bit Allah Ninyeng Tak Kepti rinok nibou ig bei gom di cat mun di nijep kin mun di nitimiei leu nide ig gudanti.”

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MATIUS 23:2

bipai biyok “Guru Puig Yahudi nicukti nya kin Farisi nya igya luei Musa nohoti ba, ingginau je tut nicukti di tug hon noni.

MATIUS 23:34

Gima rino ma jiyok ngon kep bipia midicuk nabi nya kin yo di ingon ki nya kin guru nya yahagom ndam je noro jikimukep bihi bijipek bihi ei biei salibti cem. Jimbas bihi ei jide ig mbusyameisi bijuhuk yok leu minu ttou nsi hi ug ei minu ttou nsi hi kin bu.

NINDAT KEP TUHAN NICUKTI NYA 31:11

Suar jikwop kep niggai serti dini hagom ei juhui him ei mben Israel yoho bei tirigi idem yam ei mem ikuk yok bak tuhan di nok ide Allah ei minu ttou nsi gom di Noni pigig sut ei mem jikuk je biNoni eisi.

NIJAM NIKEI NYA 20:1

Leu api mben Israel di ibong ei Dan nite bei mpia nijjai kikau bipek kin Bersyeba nite bei mpia nibiho kikau bipek kin Gilead nite bei mpia nipriti yahagom idem yam bit leu nijem yok kweisi dima. Yahagom idem yam ba, ibicom yam nok gom ei tuhan Noho bei ei Mizpa.

NIJAM NIKEI NYA 20:8

Lene yo di idem yam ei dima yahagom ikiju bipai “Leu nye di idem yam ei dini hi dima mingkwei hanyen ug ei nide prak meng yati kin nide ig bei cem bi,