NEHEMIA 7:3 - ALLAH NIHYET MEM TUNGWATU NYA

³ Dicuk yok “Tirigi njap tek bindig ei dihyeiti tu lene suar jikau dimbou pmem nya. Lene suar jinggam dimbou nya hanyen ba, jiba biei bikibi kep hagom bingkiem nipou tirigi yo di igya ser dimbou pmem nuhui bipek mmunti nya ikes hon bimbut bigyo. Ter leu yo di igya ser dima lene suar jindo timiei minu ndig Yerusalem nya bihi ba, inok hansip nya bigya ser mem mmun a. Jikwas yok ba, bihi igya ser mpia di igya ser kigkepti nya lene bihi imbut bigya ser mpia di jo ttai ide ig him nya.”

NEHEMIA 7:3 Iomraidhean Croise

NEHEMIA 13:19

Gima rino dicuk yok leu binhyepo bikwop las muhwi mmunti lene ikinyon ei Njap Nigwam Kep Ninghuisi. Ba, suar inggam dimbou pmem minu ndig Yerusalem hagom haninyai hak ug. Lene ma ikau dimbou hanyen au bibou Njap Nigwam Kep Ninghuisi njiriek leu ei las muhwindagom mem mmunti ug e. Dikes ditde limwa nya ibou poi bigya ser bidem dimbou pmem nya hagom ser nhyema tungwa hi ttei ndigban nitri-nibipek bicoi ug ei minu ndig mem Njap Nigwam Kep Ninghuisi au.

NEHEMIA 7:2

Lene dikes midyai nibou ningig niyai kep minu ndig Yerusalemti bak disut Hanani lene Hananya bi nok nibou mem tentara nibousi di igya coi. Hananya ttin tut Allah ba, limwa nya iba ingon com noni dor njiriek nibou nindigsi nya.

NEHEMIA 7:4

Minu ndig Yerusalem bres bibor noro timiei nya ibou poi he. Lene ig cem igiwin mang bigyo.

MAZMUR 127:1

Salomo de doia nikui ug ei Mbigdip Sion Gino tuhan win ig bi ne tukan di ingot nya iwin ig mikui-kausi. Gino tuhan ya srak ko hagau minu ndig bi ne tentara di igya ser minu ndig nya igya ser mikui-kausi.

MAZMUR 147:13

Lewo Noni bindei ba, jide dimbou pmem nya hagom nddong kei binjei mun di kei bak ade timiei nya.

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.