NEHEMIA 6:9 - ALLAH NIHYET MEM TUNGWATU NYA

⁹ Lewo dikan tut bipia iba srat dima bicug nye leu binhyepo nidigit tut ba, nikes ninda tut midyai di niyai kep dini. Nok rino dingat nadi “Allah e, ma abindei ba, dingon ngkiem!”

NEHEMIA 6:9 Iomraidhean Croise

NIBOHON MBEN ISRAEL GI NICAN 15:7

Mbro nok gima lo, suar jiya ngkiem bijibrim jingkek kikau. Lewo ningat di kei mintun mun di jibrim jingkek mem dima him.”

NIBOHON MBEN ISRAEL GI NICAN 32:18

Lene tentara di Sanherib pinak yok kwei dima iba nihyet Ibrani bitri tut ighyet dima tignam bibor leu binhyepo ibindei ba, timiei minu ndig Yerusalem di idem yam di igwam ei ngug tig dip nya idigit tut ba, ingon dahat leu cem. Leu binhyepo krop kei mem gima tentara dima yok icoi ug ei minu ndig dima ba, ihwen yok leu lene igyai bigyati.

EZRA 1:6

Ide ninttig-tta timiei pima yok yahati tut yok ba, ikwas ndigban perak kin mas kin njita kin mindhe-ndhe mem ibikon ndigban eisi kin ndigban di nibok kui nindigsi nya tut yok bitut mun di ibikuk yok bak tuhan ei Nide Ig cem.

NEHEMIA 6:14

Lene dingat nadi “Allah e, ma ayo ngon kep Tobia Sanbalat nya ibon munti dima ba, akes hukum ei yok dip drek dip! Lene ayai nok gima tut nabi sop Noaja kin nabi nindigsi nya di ijoi sut yahak nittin ei dati dini.”

MAZMUR 138:3

Mpe dino dahara Nani ne abuhup ba, ayai ningon di ngkiem bida leu api mimbri kui dingkek.

MAZMUR 56:3

Allah Di Ninyeng Jei e, yo di ihwen bit da ico kep da bijo njap jei ba, yo di ihwen da imang bibor.

MAZMUR 68:35

Ma jitri tut Allah de nisindemti di nindig bibor di bitak kep Israel. Nide nisindemti kui sur mpia-bbed him.

MAZMUR 71:1

tuhan e, digwam coi anda nsi. Ma asindui sut ba, nimmai kui dati au.

YESAYA 40:29

Noni yai nisindemti bak yo di inghuisi wei lene bindei ba, yo di isindem bi nya ibrim ingkek hanyen bu.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YEREMIA 38:4

Lene nibou dima yok yuug ngat nibou ndig bipai binoni “Suar no dima tug ndei nimai. Nihyet dima bindei ba, tentara Yehuda ingon nddong bu bi ba, ingon cut leu su. Nok gima cem tut ade limwa nindigsi nya di ibong ser minu dini. Noni mpu yok bi noro bindei ba, ingon buhun tut mun di micut igkep yok.”

YEHEZKIEL 30:24

Leu api midibindei sindem nibou ndig minu Babel ninda pang leu api midikes Ditde singau simeda ei nindati. Noro mididahat nibou ndig minu Mesir ninda pang nya leu api noni mahara nidut-niwei bimai ei nide nitok di nibou ndig minu Babel noho bei.

ZAKHARIA 10:12

Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

KORINTUS GI NICAN 12:9

Noro Noni buhup “Ditde nisingat tut nati dem mem mun di asuar nya. Lewo anghuisi weisi bindei mbut Ditde nisindemti.” Gima rino dingon llei gi dingon jei sut mun di ndo bipia disindem bi nya. Lewo tirigi disindem bi rino dikan tut bipia Kristus de nisindemti nyohou da.

EFESUS 3:16

Handei kon ba, Allah di nyeng tut nikei-kau-keisi sindem tut je tug hon Ninnei leu binhyepo jingon mien nddong kei.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

IBRANI 12:12

Gima rino ma jibindei ba, jinda di sindem bi nya yai nisindemti ba, jibiau di dut nya cem yai nisindemti.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.