NEHEMIA 6:2 - ALLAH NIHYET MEM TUNGWATU NYA

² Sanbalat Gesyem nya ipas srat nibijem ba, ipinak kwei bida leu binhyepo duug um yok ba, nidem yam ei minu mien gom ei Briep Bou Him Ono. Noro dikan tut bipia icom biei mpup ris da leu binhyepo bon nituti mem gima ihwen da.

NEHEMIA 6:2 Iomraidhean Croise

SAMUEL GI NICAN 20:9

Lene Yoab ya um Amasa bipai “Disut e, hagom nok gi kei e?” Lene su ninda com bikrau Amasa nuhui nta tereu nok mei ningyoi.

SAMUEL GI NICAN 3:27

Abner ngkwei hanyen bikwei krau Hebron tu lene Yoab bipbur bipai bak noni bipia yahacem igya ter dideu dimbou pmem leu binhyepo mbot kep mimun bak. Leu api Yoab dat Abner ninghopti kros ba, tti bimai hak. Yoab ningon nggrom kep Abner biyai nimai bak drek dip nikinjoi Asael po Abner yai nimai bak pima ri.

NIBOHON MBEN ISRAEL GI NIGOM 8:12

Lene Elpaal yai nipmot bat nya ibou ningai. Yo dima inyeng rino Eber kin Misam kin Semed. Semed dini ripo win minu ndig Ono kin Lod bitut minu mien di jo ttai nya cem.

NEHEMIA 3:22

Imam nya iwin ngug tig nititnon poi bram yam ba, inyeng bit leu daptar ei bijehei dini jug nitibimti. Imam dini yok ibong dideu minu ndig Yerusalem bibinut niwin ngug tigti simin Meremot niwin ngug tig pima. Benyamin kin Hasub iwin ngug tig di jo sur ide ig yati nya nuhui simin bu. Azarya di Maazya nipmot ba, Ananya nignyon win ngug tig di jo sur nide ig yati simin bu. Binui di Henadad nipmot win ngug tig sur Azariah de ig yati simin bu kikau ug bipek kin ngug tig nikropti. Palal di Uzai nipmot win ngug tig simin nikropti dima bu cem simin ig di bon ninggre di jo-jo yam dip ei anai ig nibou ndig de dideu mpia di jo bas hak di iba ngug tig bikrop ttai di tentara nya igya ser cem. Pedaya di Paros nipmot win ngug tig simin bu kikau ug bipek kin Dimbou Pmem Minyei nite bei mpia nipriti cem dideu ig di bon ninggre di jo-jo yam dip ei anai mem yo di igya ser tuhan De Ig cem. (Mpia Ofel mem timiei di igyai midyai ei tuhan De Ig ibong eisi jo ting leu mpia dini bi.)

NEHEMIA 6:3

Gima rino dibuhup ide srat bidipinak dibuhupti hanyen biyok. Dipai biyok “Bon nituti mem gima dihwou ngat je bi. Lewo dinda jo kep midyai di bon ninyeng yo. Gino dikes midyai dini ei ba, dihwou ngat je leu lene midyai dini mbut sindem bi.”

MAZMUR 12:2

tuhan e, ampu nyeni o! Lewo tungwa hi bu di kei bi. Yo di ingon gom tut Nani isar bingwig tu.

MAZMUR 37:12

No di sibut tin ei ningon kanti di kinei mem no di ningon sren. Ningwak mbriu sut ba, ningon mpo tut noni cem.

MAZMUR 37:32

No di sibut kos dik sir no di ningon sren nimbutti bipi bihwen noni.

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

YEREMIA 41:2

rino Ismael kin ibou simnai pima ikus ide singau simeda noyam ba, ibiyai nimai bak Gedalya di nibou ndig minu Babel ta nok nibou hanjop.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.