NEHEMIA 6:16 - ALLAH NIHYET MEM TUNGWATU NYA

¹⁶ Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.

NEHEMIA 6:16 Iomraidhean Croise

NEHEMIA 2:10

Mpe dima lene Sanbalat leu minu ndig Bet-Horon kin Tobia di nok nibou gom ei minu Amon imiap dinghapti tut gi dikwei cem kep mben Israel di ikinding itimieisi hanyen lene yahacem ingon mpo tut da.

NEHEMIA 4:1

Tirigi Sanbalat kan tut bipia mben Yahudi ikinyon ei nikinding ngug tigti tu lene ningon sibui sut nye ba, nihyet wer mpiahi tut nye.

NEHEMIA 4:7

Mpe dima lene Sanbalat kin Tobia kin mben Arab kin mben Amon kin mben Asdod yahagom imiap nyeni ninghapti tut gi nikinding ngug tig di bikrop ttai minu ndig Yerusalem kikau ug bipek niket ei yamti apino ingon sibui sut nye nindig bibor.

NEHEMIA 6:17

Ei nijam dima ne nibou Yahudi imang bibor kin Tobia ipas srat biyam nyen.

MAZMUR 109:27

Leu api siceu di ingwes om da mikan tut bipia gima ne Ade niyai munti rin ba, Na di tuhan rino ayai nok gima.

MAZMUR 126:2

Ikwai tiei ba, iba ingon di llei bibor bipai doia. Ngkiai nya ipai sut nye “tuhan bon mindur nindig bibor mem yok.”

MAZMUR 129:5

Nnaba Allah bindei timek yo di ingon mpo tut Sion yahagom ba, hwen yok bisujou kep inghim dip ug e.

MAZMUR 147:2

tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

NEHEI LEUSI 14:25

Lewo Noni bindei ba, igkrop kat ide kroba pran nimig apino bit bon imbut sindem kan bi. Gima rino mben Mesir isimbot dat bipai “tuhan ya tut mben Israel bikon pran bit nye. Jikwei ba, inang bihigom leu yok!”

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

KISAH 5:38

Gima rino dipingok jingonti tut munhyet dini. Ma jiba jimbuk biyai jibou tut yo dini bijingget yok au. Leu gino ide ningginausi kin ide ninjei bit yamti dima ntun tungwatu nya him ne hagom mipror yon hak ug.

YOSUA 2:11

Tirigi jinghapti tibim kwei ei nyeni nitingou nsi lene nittin tut je bibor. Jibindei ba, mimbri cut leu nyende mben nya. tuhan di nok jide Allah ne Allah Di Sindem Bibor ei mpia-bbed him kin dihyeisi dini cem ri.

YOSUA 2:9

bipai biyok “Dikan tut bipia tuhan yai minu dini hagom bije. Lewo timiei minu dini yahagom ittin tut je di mben Israel.

YOSUA 5:1

Lene nibou ndig mben Amori yahagom di ibong ei Minyei Yordan nite bei mpia nikimbasti kin nibou ndig mben Kanaan yahagom di ibong Muk Hacan nintig dip imiap tut notou tuhan bindei ba, Minyei Yordan bon nipingge leusi kikau bibou mben Israel yahagom isigon ug e. Apino yahagom ingon digit bibor ba, ittin tut mben Israel.