NEHEMIA 6:12 - ALLAH NIHYET MEM TUNGWATU NYA

¹² Tirigi dikan-kan nyen tut Semaya nihyet nghwak him dima lene dingon huk niti bipia nipai cuk dati dima kwei leu Allah bi. Noro Tobia Sanbalat nya ingot kep noni leu binhyepo pai sut mun di pek kep ei nidipti bu dima bida.

NEHEMIA 6:12 Iomraidhean Croise

NEHEMIA 6:11

Noro dibuhup hanyen bak “Dani ne no di ttin di nang-nang wai rin bi. Dani ne tungwatu he rin ba, dem tut gima diku da ei tuhan De Ig leu binhyepo dingwes ngun ei sirima bi. Da dikou!”

NEHEMIA 6:13

Lewo itin ei ingon kanti mem gima noni pai nok bibindei ba, dittin tut bidibit ingon kanti dima leu api dibicut ei sisarti. Igyai munti dima mibon nituti mem yok ba, ibindei bidinyeng kinei drek dip leu api tungwatu nya mipui-pui nyen dinghapti tut.

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YEREMIA 14:14

Noro tuhan buhup “Nabi dima yok iba dinyeng biris mun he. Dipinak yok ba, diyai nicukti biyok bidimbrap bit yok cem bi. Ningat-hi-ngat nya di ingat di isimbot kep nya kwei leu Dani bi. Ide nimbot kepti nya kwei leu yonti ingon kanti he ba, bon ninyeng bi.

YEREMIA 23:16

tuhan Di Sindem Bibor pai bak timiei minu ndig Yerusalem “Ma jimiap kep jide nabi nya ighyet bu au. Lewo ibindei ba, jiyok jingon mem mun di igbit bi. Itri tut mun di yonti ikan huk nya bije lo, itri tut dihyet bije bi.

YEREMIA 23:25

Dikan bidem tut mun di tibim ei nabi dima yok yuhui him. Iba dinyeng biris tungwatu nya tug hon gi ipai sut yonti bipia dimbrap bit yok tug hon mun di imumpriem nya.

YEREMIA 28:15

Dindat kep nihyet hagom bak Hananya leu api dipai bu “Hananya e, angig atingou mem dihyet! tuhan gipinak na kwei bi. Abindei ba, mben dini yok iba ingon com nihyet nisuglaisi he.

YEHEZKIEL 13:19

Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

YEHEZKIEL 13:7

Dipai biyok ‘Ningat-hi-ngat di jingat dima ne ningat-hi-ngat di nitrowai he ba, mun di jitri tut bipia mipek kep ei nidipti bu cem nisuglai he. Jipai bipia mun dima yok hagom ne Ditde nisok ei je dip rin lo, digipai mun hi bije nok gima bi sren!

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

KISAH 20:33

Dingon pri kep yo di hiter ide mitiei kin sinsun di inyeng tut nya bi sren.

KORINTUS GI NIGOM 12:10

Allah Ninnei yai nisindemti hi bak tungwa hiter leu binhyepo tungwa hiter dima bibon mindur. Noni yai nisindemti hi bak tungwa hiter leu binhyepo tungwa hiter dima bitri tut Allah ningon kanti. Noni yai nisindemti hi bak tungwa hiter leu binhyepo tungwa hiter dima bimig mbus nisindemti nya di ntun Allah Ninnei him leu nisindemti di ntun Allah Ninnei him bi nya. Noni yai nisindemti hi bak tungwa hiter leu binhyepo tungwa hiter dima ba nihyet mindur nya bimbrap. Noni yai nisindemti hi bak tungwa hiter leu binhyepo tungwa hiter dima biluei nihyet mindur dima hanyen brei bak tungwatu nya.

KORINTUS GI NIGOM 2:15

No di yai Allah Ninnei ei ningonti kan tut mun nyeng hagom niboga. Noro hiter dem mem gima mbus no dima ningonti bi.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

NINGAT-HI-NGAT NYA 18:13

kin biei ngkek di nyop kin mun di ui-gwang kei nya kin mini ibou kin mur kin biei nggrai di ui-gwang kei kin ba anggur ngei kin mini dui kin tepun kin gandum kin sapi nya kin domba nya kin kuda bitut kroba nya kin awak nya bitut tungwatu igyaijoti nya.