NEHEMIA 5:12 - ALLAH NIHYET MEM TUNGWATU NYA

¹² Lene nibou dima yok ibuhup “Minibit apingok nyeti dima. Miningkwei mun dima hagom hanyen bak yo dima lene minibidip huk yok tut gima igo mitiei hi binye cem bi.” Dinduk imam nya kwei leu api dicuk nibou pima yok leu binhyepo yeheng tut mun di ipai ei yuhui him pima ei imam nya yoho bei leu api suar ibindei bipek kep ide nipreu eisi dima nok mungkun kei.

NEHEMIA 5:12 Iomraidhean Croise

EZRA 10:12

Lene yo dima yahagom ighyet kui yam bibuhup nok gom “Minibit apingok nyeti dima.”

EZRA 10:5

Leu api Ezra kinyon ei ninggek tut niwak sop sirig yamti bicuk nibou imam nya kin nibou Lewi nya kin nibou limwa Israel nindigsi nya yahagom leu binhyepo iba neheng bipai bipia yoni cem mibit Sekhanya nihyet nghwak him dima.

NEHEMIA 10:29

nahagom nibicom yam bit nyende nibou nya ba, nahagom niba neheng bipreu ei mem gima niba nyeni niyai munti nya bibit Allah Nicukti di niyai tug hon Nide awak di Musa. Gino niyai bipek kep mun di nipreu sut ei Allah Noho bei dini bi lene ma Noni sigion nye hak ug. Nyeni niba neheng bice tut mem gima nibit nyende tuhan Allah nicuk nyeti nya kin Nide nikos tutti nya kin ningginau nyeti nya hagom.

NEHEMIA 10:30

Nyeni neheng tut bipia miniwak yam srig yamti bit ngkiai nya di ibong timiei ei nyende minu dini bi sren.

NEHEMIA 10:31

Gino ngkiai nya ijoi sut itri gandum kin ndigban hiter nya binye ei Njap Nigwam Kep Ninghuisi cem njap di kwes nindigsi nya cem lene minipek mun nyeng hi leu yok bi sren. Bikwop ari bingwam gi nimuhwindacan lene miniyai miai njita ba, minibrim nyende ningwam di jo bak yo di hiter ei ari bingwam dima cem bi sren.

NEHEMIA 13:25

Gima rino disok kep yok bidisigion yok cem leu api dibui bihi bidibrim bihi ibou. Lene dicuk yok leu binhyepo yeheng bitug hon Allah ninyeng bipia yoni migya tut imunggwom bat nya ba, iwak sop ngkiai srig yamti hanyen bu bi.

NEHEMIA 5:11

Suar jeni cem jidip tut ningwam mitiei kin gandum kin ba anggur ngei kin mini zaitun di jo bak limwa nya hak ug. Lene suar jingkwei ide ngoi dumti kin miai ba anggur dumti kin ide miai njita dumti kin ide miai mini zaitun dumti kin ig di ide nya hagom hanyen biyok haninyai!”

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

LUKAS 19:8

Yuug krau ig tu lene Zakheus kiju biya lene pai bak Yesus “Tuhan e, dikos tut bipia dikwas ditde ndigban nite hi tut yo di yuhui mbum nya. Gino diris mitiei leu tungwa hi tu lene midingkwei hanyen bak mbitai bram yam!”