NEHEMIA 4:7 - ALLAH NIHYET MEM TUNGWATU NYA

⁷ Mpe dima lene Sanbalat kin Tobia kin mben Arab kin mben Amon kin mben Asdod yahagom imiap nyeni ninghapti tut gi nikinding ngug tig di bikrop ttai minu ndig Yerusalem kikau ug bipek niket ei yamti apino ingon sibui sut nye nindig bibor.

NEHEMIA 4:7 Iomraidhean Croise

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NIBOU NDIG NYA GI NICAN 24:2

tuhan pinak nimpung nikon minggwen nya leu minu Babel kin Siria kin Moab kin Amon hagom mem gima ikon pran bit Yoyakim ba, ibindei timek timiei Yehuda nya. Gima dem igbit mun di tuhan pai nipou su tug hon nide awak di nabi nya.

NIBOHON MBEN ISRAEL GI NICAN 20:1

Nijam gi nidipti bu ne tentara Moab kin Amon nya igya tut tentara Meunim nya di ibicom yam bit yok nya ba, injei bihwen minu Yehuda.

EZRA 5:8

Nimbot kep biNa Di Anyeng Jei leu binhyepo akan tut bipia nyeni nuug ei hanjop Yehuda biningat lo, iba tig ndig ngat biwin tuhan Allah Di Ninyeng Jei Nide Ig ba, iba biei ner bikrau dring nya hagom cem. Igyai midyai dima mungkun kei ba, niwinti cem mbut sindem.

NEHEMIA 2:10

Mpe dima lene Sanbalat leu minu ndig Bet-Horon kin Tobia di nok nibou gom ei minu Amon imiap dinghapti tut gi dikwei cem kep mben Israel di ikinding itimieisi hanyen lene yahacem ingon mpo tut da.

NEHEMIA 2:19

Noro Sanbalat kin Tobia kin Gesyem di mben Arab gom imiap nyeni ninghapti tut ningon kanti dima lene yahagom ipa ndip nye bipai “Ma jibon ndei notou i? Mijaham jimbuk kep nibou ndig minu Persia e?”

NEHEMIA 4:1

Tirigi Sanbalat kan tut bipia mben Yahudi ikinyon ei nikinding ngug tigti tu lene ningon sibui sut nye ba, nihyet wer mpiahi tut nye.

NEHEMIA 4:6

Nok lene nyeni ninda jo kep midyai dima kikau. Jei bi lene nikinding ngug tig di jo-jo yam dip ug ei nijeisi niken lewo ide limwa nya ita ibou ei midyai dimati.

NEHEMIA 4:8

Gima rino yahagom yuhum yam nsi ba, ipi bihwen minu ndig Yerusalem ba, ibinggek nye.

NEHEMIA 6:16

Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.

YEREMIA 25:20

kin mben Mesir yahagom kin ngkiai nya yahagom di ibong timiei ei minu Mesir kin nibou ndig minu Us yahagom kin nibou ndig minu Filistin yahagom di ibong bidem minu ndig Askelon kin Gaza kin Ekron kin yo di igyaijo di ibong ei ig kum kroisi ei minu ndig Asdod,

YEREMIA 41:10

Leu api Ismael kat nibou ndig nipmisop bat nya kin yo di yahagom di ingat rin ei Mizpa di Nebuzaradan kes yok bak Gedalya di ninyeng tak kep yok nya yahagom. Noni kat yok bisima leu api nang tut yok hallu kak puig di bie ug ei minu Amon.

AMOS 1:13

tuhan pai “Timiei minu Amon ibon sisar ninyen. Ide sisar bindei ba, dikes hukum ei yok dip. Lewo tirigi ikon pran bit timiei minu Gilead ba, ibipos ide dihyei hanjop nsi hi kin bu leu yok lene israt sop mben Gilead di inghop tu nya ba, inghop tigwau bimai ug.

AMOS 1:8

Midibindei timek limwa nya kin nibou ndig ei minu ndig Asdod kin Askelon nya bidicug inyeng di jei leu yok. Midikes hukum ei minu ndig Ekron dip leu api mben Filistin nindigsi nya yahagom imai bingwig.”

AMOS 3:9

Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

KISAH 5:33

Tirigi Nikei Puig Yahudi Nya imiap ibuhupti dima rino ingon sibui sut yok nindig bibor bipi bihwen yok hak ug.

NINGAT-HI-NGAT NYA 12:17

Naga gga no di sop nindig bibor leu api ug kon pran bit yo di nindigsi di intun sop him. Yo dini ne yo di ibit Allah niggai serti nya cem ingon gom tut Yesus niyai munti kin ningginausi nya ri.

SAMUEL GI NIGOM 11:2

Noro Nahas buhup “Midikwam minggwen bit je ser tug hon nisinati gom ngat nok gini. Midiket jahagom jiyai njep nite jinda com leu. Leu binhyepo dibinim kep mben Israel yahagom.”