NEHEMIA 4:2 - ALLAH NIHYET MEM TUNGWATU NYA

² Noni ya ei nisut bat nya kin tentara Samaria yahagom yoho bei bisimbot dat bipai “Mben Yahudi di isindem mem igyai midyai dini bi inggon i? Igyok ingon mem ikinding minu ndig dini bikei hanyen e? Ikan bipia isindem mem igyai hagom biput mem njap gom ngat gino ibon midut nindig mindhe-ndhe ei nimbar hum dokti e? Isindem mem iba tig di hum yem dini biprion nok ngug tig di bikrop ttai ide minu ndig e?”

NEHEMIA 4:2 Iomraidhean Croise

EZRA 4:4

Lene timiei di ibong mimbrek ngan ei minu dima ibindin limwa Yahudi bibindei ba, isindem mem midyai niwin tuhan De Igsi bi. Iba tungwatu inghapti bicug kep limwa Yahudi leu binhyepo idigit tut ba ikes inda tut niwin ig dimati drek dip hak ug.

NEHEMIA 12:27

Tirigi ipiga ngug tig di jo ttai minu ndig Yerusalem lene ijem Lewi nya ba, ikwei leu ide minu di ibong niti hagom leu binhyepo iba doia nipai sigyoti bikon tuhan ninyeng ei njap nipiga ngug tig dimati. Yo dini iba yeng beng nya kin nggong brei nya bikon tuhan ninyenga.

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

NEHEMIA 4:10

Mbro nok gima lo, timiei Yehuda nya sindi inso-nso nyen bipai doia, “Mun di buhun di nikon ei ninghat dip bindei ba, ninghuisi wei lewo mumpiang kui sur mpia. Nindei midyai nikinding ngug tig di bikrop ttai minu dini kan bi.”

NEHEMIA 6:15

Niwin ngug tig nikineisi hanyenti dima yem njap nitindur ningot muhwi ba, can. Midyai dima put hak ei njap nyatungwagom ba, muhwi mem Bed Elul.

MAZMUR 83:4

Iba nisuglai bitin ei ingon kanti di kinei mem gima ihwen Ade limwa nya ba, yuhum yam nsi mem gima icok tut yo di anyohou yok nya.

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 33:24

“Angig atingou kep mun di ngkiai nya ibohom ndat di bitut mben Israel kin Yehuda tu e? Ibohom ndat bipia dicom mben cin di didimig yok ei dima tu. Gima rino ibisrip huk Ditde limwa nya nok yo di ibon inyeng bi ba, ibingat yok nok mben hi rin bu bi.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

HABAKUK 3:2

tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

KORINTUS GI NIGOM 1:27

Noro Allah bisinggre bidimig mun di tungwatu nya ikan bipia bon ninyeng bi nya leu binhyepo binim kep yo di ingon ki nya. Ba, Noni bisinggre bidimig mun di tungwatu nya ikan bipia sindem bi nya leu binhyepo binim kep yo di mimbri kui ingkek nya.