NEHEMIA 4:16 - ALLAH NIHYET MEM TUNGWATU NYA

¹⁶ Hon kep njap dima kui lene ditde limwa nya ikwas yam ba, bihi inda jo kep midyai nikinding ngug tig lene bihi ijuk sinsun pran bikrau micim kin mun di ibipukep ser tibor ninggwenti kin ikrau hampiap ei indati bigya ser ide siceu nya. Nibou nya di inyeng tak kep limwa dima yok yahati tut,

NEHEMIA 4:16 Iomraidhean Croise

NEHEMIA 4:15

Siceu pima yok imiap tut bipia nikan tut mun di yoni yuhum yam nsi tut tu. Apino jo nibreisi mem yok bipia Allah bindei cut ide nuhum yamsi dima. Gima rino nahagom nita nibou ei midyai pimati hanyen.

NEHEMIA 4:17

yo di ikinding ngug tig dima nindig bibor. Yo di ipian tig kwei cem iba inda nite hi yai kep midyai lo, ikrau minggwen ei inda nite hi bu ba, ibitindei ser siceu nya.

NEHEMIA 4:23

Dani kin disut bat nya kin ditde awak nya kin tentara di igya kui da nahagom nijuk sinsun binibiyai midyai kikau mem njap cem mem mmun cem ba, niba minggwen nya bitindei ser siceu nya cem.

MAZMUR 101:6

Dijoi sut yo di ingon gom tut Allah. Disindui sut ba, yo dima ibong ei ditde ig nibou ndig. Disindui sut ba, yo di ingon gom nya igyai midyai mem da.

NEHEI LEUSI 28:32

Abien sinsun dima ninghas him ndam nikimam bingkiem bibor ser nhyepo nonti rik bi.

DIUN MIMUN 3:8

Nihwen kep mun cig dima yok yahagom ijus singau simeda ei intig bou noyam. Itindei ser siceu di micut igkep bihwen yok mem mmuna.

YEREMIA 46:4

Jisien micim cem binggwen o! Jijuk sinsun pran bijiba topi yeng ngkuong cem bijuk jibou o! Je di nimpung tentara di jiba kuda bikon pran e, jiba jide mun di jigwamti bijibikri kuda ninghim o! Jibri jide kuda ba, juug bikon pran o!’