NEHEMIA 4:14 - ALLAH NIHYET MEM TUNGWATU NYA

¹⁴ Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

NEHEMIA 4:14 Iomraidhean Croise

SAMUEL GI NICAN 10:12

Akwei ba, siba mimbri di kui singkek biya ngkiem! Sikon pran gau side mben Israel kin side Allah de minu ndig nya cem. Nna ba tuhan mibon mun bit leu Nonti ningon kanti hak ug.”

NIBOHON MBEN ISRAEL GI NICAN 32:7

“Ma mimbri kui jingkek ba, jingon nddong kei. Ma jidigit tut nibou ndig mben Asyur kin nide tentara nya au. Nisindemti di ningat rin bit nyeni nindig bibor dor njiriek nisindemti di ningat rin bit noni.

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

AYUB 37:22

Nipigati di piga kei dem kep mas mbrawin tau hak ei nite bei mpia nijjai. Allah de nikei-kau-keisi bindei ba, nyeni inggap leu.

MAZMUR 143:5

Dikan kep njap gi nipousi nya. Dibisrip tut Ade niyai munti nya bidikan-kan nyen tut Ade midyai di abon bou anda him nya hagom.

MAZMUR 20:7

Nogindini dikan tut bipia tuhan yai nisindemti bak Nide nibou ndig di Nonti dimig ei su leu binhyepo bindei timek nide siceu nya. tuhan gwam ei Nide mpia di kwes-kwau ei gwamti bibuhup nibou ndig nihyet. Nibou ndig ba tuhan de nisindemti bibindei timek nide siceu nya.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 65:5

Yo di adimig yok ei su nya ingon llei bibor lewo abuwak yok bibong kikau kep Ade Ig. Nyeni nijoi sut mun di kei di anjei bak nye ei Ade Ig di kwes-kwau di abong ser dima.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 66:5

Jikwei ba, icap ser Allah nibon munti nya. Mun di Noni yai ei tungwatu nya ikieti bindei ba, inggap leu bibor.

NEHEI LEUSI 14:14

tuhan mibrim ningkek mem je. Noro ma jahagom jiya jiyati dima bijikimut juhuigya.”

NEHEI LEUSI 14:25

Lewo Noni bindei ba, igkrop kat ide kroba pran nimig apino bit bon imbut sindem kan bi. Gima rino mben Mesir isimbot dat bipai “tuhan ya tut mben Israel bikon pran bit nye. Jikwei ba, inang bihigom leu yok!”

NIBA NINGON SRIP HUKTI 12:1

Ma je di pilei nya jiyok ngon kep jide Nipai Tes Mun Cig nipou tirigi nijam ningon buhunti tau kep je bigyo. Leu mpe dima lene mijikan “Singon llei mem nijam di siyaijo dini bu bi.”

DANIEL 11:32

Leu api nibou ndig dima ba niris mun igkeisi bibindei ba, yo di ingkwei leu Allah de nikrau kepti pima itti kin noni. Noro yo di ibit Allah nihyet ibrim ingkek bihwen noni.

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

MBEN ISRAEL IMBUT-MBUT NYEN 14:9

Noro ma jaham jimbuk kep tuhan ba, jingon digit tut timiei minu dima au. Krop kei mem gima nyeni ihwen yok bingwig lewo tuhan ningat rin ei nyeni ikieti ba, Noni co kep yo dima ide kwar di ikuk yok bak bingwig leu su. Gima rino ma jingon digit tut yok au.”

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

IBRANI 13:6

Gima rino ma jikwei bibrim ingkek bipai “Tuhan ne No di mpu sa rin ba, sittin tut mun-mun hi bi. Tungwatu nya mibon ndei sa i?”

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

NIJAM NIKEI NYA 3:27

Haninyai tirigi ug krau nungug him Efraim lene noni miep pun mbrei gom bibijem mben Israel kwei mem gima ikon pran. Tirigi yahagom idem yam tu lene Ehud bie tut yok ba, ijuk kwei leu nungug him dima.