NEHEMIA 2:7 - ALLAH NIHYET MEM TUNGWATU NYA

⁷ Lene dahara noni tut srat nisindem mem gima dindo bak nibou di inyeng tak kep hanjop Efrat-Bei-Mpia-Nikimbasti nya di mibindei ba, isindui sut bidimbut kikau ug ei hanjop Yehuda.

NEHEMIA 2:7 Iomraidhean Croise

EZRA 6:6

Lene Nibou Ndig Darius ba srat bibuhup Tatnai de srat bipai, “Srat dini mem na di Tatnai di nibou hanjop Efrat-Ei-Mpia-Nikimbasti kin Syetar-Boznai kin yo di igya kui je ei hanjop dima jahagom. Ma jibindin mben Yahudi au.

EZRA 7:21

Ditri tut nicukti dini bak nibou kintror mitiei nibousi bidem hanjop Efrat-Ei-Mpia-Nikimbasti hagom leu binhyepo ibipbur ba, ikwas mitiei tut Imam Ezra di ningon ki tut Allah di ninyeng jei ei gwamti Nicukti nya dima bit leu nok nahara yok tutti.

EZRA 8:22

Dikan bipia bibou dahara nibou ndig bikes nide tentara di iba kuda di ibri nya bikon pran kan nya bihi ba, igya ser nye leu siceu nya kak puig sinon dima noro dimmai sut. Lewo dipai binoni nipou su bipia bikwop tungwa tou rino ba ningon com nyende Allah lene Noni minjei mun di kei bak no dima. Noro Allah ningon mpo tut bikwop tungwa tou rino ba ningon di gom bikuk no bak Noni bi leu api mikes hukum ei no dima dip.

EZRA 8:36

Leu api igyai srat nisindem di nibou ndig pas di kes ei indati bak nibou di ninyeng jei pima kin yo di igya kui noni ei hanjop nsi Efrat-Bei-Mpia-Nikimbasti. Yo di igya kui nibou di ninyeng jei dima yok iba munkwas bimpu timiei mben Israel leu binhyepo imati dem mem gima ibikuk yok bak tuhan ei Nide Ig.

NEHEMIA 2:9

Lene nibou ndig cuk nibou pran ibou poi kin tentara di ibri kuda igkei nya nimpung gom ba, yehei sut da tirigi duug ei Efrat-Bei-Mpia-Nikimbasti. Tirigi dikwei krau tu lene disu srat nisindem nya bak nibou hanjop dima yok.