NEHEMIA 2:4 - ALLAH NIHYET MEM TUNGWATU NYA

⁴ Lene nibou ndig hig ser da “Gi nok lene asuar mindei ngan i?” Dingat nadi kros bak Allah ei gwamti,

NEHEMIA 2:4 Iomraidhean Croise

SAMUEL GI NICAN 15:31

Tirigi Daud miap tut bipia Ahitofel tti kin Absalom tu lene noni ngat nadi bipai “tuhan e, ma abindei ba, Ahitofel de nipingok Absalomti hagom pek kep au!”

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

NEHEMIA 1:11

Ma angig atingou mem dihyet kin Ade awak nindigsi nya di ikon anyeng yahagom ighyet. Ampu da leu binhyepo dibindei ba, nibou ndig ngondut da tirigi dihug ba anggur ningei ei mokti bak noni mem njap di ammani lewo dani ne Ade awak ri.”

NEHEMIA 1:4

Tirigi dimiap ibuhupti dima ne dikuk da bidipim ba, diyai nggwei kibor. Dingon ngguk bibor bidisindui njita ei mmun-njap poi leu api dingat nadi bak Allah,

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

NEHEMIA 2:20

Dibuhup “Allah di ninyeng jei ei gwamti mibindei ba, nyende midyai dini mimbut sindem. Ninok Nide awak nya ba, mbigom nikinyon eisi ug ri. Noro jeni rino jiyai srat nisindem ba, jinyeng tut hanjop nsi hi ei minu dini bi. Ba, daptar di ipas kep timiei minu ndig Yerusalem nya inyeng eisi tibim tut jinyeng bi sren.”

NEHEMIA 2:5

bidibuhup nibou ndig “Gino na di Andigpoi ajoi sut ade awak ba, ace tut dihyet dini lene ma asindui sut ba, dingkwei hanyen ug ei hanjop Yehuda ndam minu ndig gom di itig didigup bat-didigai bat nya eisi leu binhyepo diwin minu ndig dima hanyen.”

ESTER 5:3

Leu api nibou ndig hig ser “Sop Nibou Ndig na e, akwei sut mindei i? Ahara da tut mindei i? Mbro nok gino ahara da tut gima anyeng tak kep dinyeng tak kepti dini nite hi rin lo, apai hak bida ug leu api midikes bina.”

ESTER 5:6

Ei nituti di idut ba anggur ngei lene nibou ndig hig ser Ester “Akwei sut mindei ngan i? Ahara da tut mindei i? Mbro nok gino ajoi sut anyeng tak kep dinyeng tak kepti dini nite hi rin lo, apai hak bida ug leu api midikes bina.”

ESTER 7:2

Tirigi nibou ndig dut kep ba anggur ngei lene hig ser Ester “Sop Nibou Ndig na e, ahara da tut mindei i? Mbro nok gino ahara da tut gima anyeng tak kep dinyeng tak kepti dini nite hi rin lo, apai hak bida leu api midikes bina.”

MAZMUR 136:26

Jikwei ba, ipai sigyo bak Allah di ninyeng tak kep mpia-bbed him. Nide ningon ngakeisi jo ninghig-niker.

NIPINGOK NINGONTI 3:6

Ma apwoi tuhan ningon biken tirigi bon nikwesti hagom apino Noni mindo puig di bie ndam ayaijoti di kei bibor bina.

MARKUS 10:51

Yesus hig ser noni “Ajoi sut dinggon ndei na i?” No di niyai tu buhup “Andigpoi e, akinding diyai ba, da hanyen!”

KISAH 23:19

Nibou tentara krau mot dima ninda bibuwak noni biyuug ya ter biyongkom leu api hig ser noni “Ajoi sut gima ambot kep tut mimun bida e?”

FILIPI 4:6

Ma jingon pri tut mun nyeng hi au. Tirigi jingat nadi lene ma jahara Allah tut mun di jisuar nya. Ma jiba nipai sigyo di ntun jingonti him bahara Noni tut mun nyeng hagom.