NEHEMIA 2:12 - ALLAH NIHYET MEM TUNGWATU NYA

¹² Dimbot kep tut Allah nipingok dingonti tut gi po dikos tut bipia dikinding minu ndig Yerusalem hanyen pima bi. Lene dikiju mem mmun mau bidehei sut disut bat nya ibou poi ug ei nisai lo, dijem keledai ningut gom ngat leu binhyepo dibri bidigwam dip.

NEHEMIA 2:12 Iomraidhean Croise

EZRA 7:27

Lene Ezra pai “Jikwei ba, inggei sut tuhan di nok idigup bat-idigai bat nya ide Allah! Lewo Noni bindei ba, nibou ndig dima yok ngon kep tuhan De Ig ei minu ndig Yerusalem binyohou nok gi kei.

NEHEMIA 2:11

Noro duug kikau ug ei minu ndig Yerusalem bidigwam nyahan ei sirima mem njap ningai.

NEHEMIA 2:13

Mmun mau rino dehei kak Dimbou Pmem Mbang Briep bei mpia nikimbasti bidimbut ei nite bei mpia nibiho kikau bidinjiriek Minyei Bousi Naga kikau ug ei Dimbou Pmem Mumpiang. Lene diyok diyai kep ngug tig dima kin dimbou pmem nya kak dimbutti bidingat lo, hum yem hagom bingwig su.

MAZMUR 122:6

Jingat nadi tindei nibong kei nigwam keisi mem minu ndig Yerusalem bijipai “Dijoi sut gima yo di ingon ngakei minu ndig Yerusalem ibong kei igwam kei ba,

MAZMUR 51:18

Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

NIPINGOK NINGONTI 12:23

No di ningon ki tri tut nide nintin kimboti bi. Noro no di ningon mbum mbot kep ningon mbumti brei bingwig.

NIBA NINGON SRIP HUKTI 3:7

nituti mem ibindei rik kin nituti mem inap kep hanyen cem ba, nituti mem ikimut yuhui kin nituti mem imbrap cem ba,

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

AMOS 5:13

Jiyai munti dima bindei ba, yo di ingon ki nya ikan bipia yahap iji mem nijam di kinei dima bi.

MIKHA 7:5

Ma jingon jo kep yam hyet au. Ma jiba jingon com jisut nihyet au. Ma jingon sok kep jenti tut mun di tibim ei juhui him bitut mun di tibim ei jitnem bat nya itingou nsi.

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

MATIUS 2:14

Lene Yusuf kiju mem mmun mau binang tut munggwom dima pip nipmem biyuug ei minu Mesir.

KORINTUS GI NICAN 8:16

Nipai sigyo bak Allah lewo Noni ribindei di Titus cem ta nibou ei midyai nimpu jeti noyam kin nyeni!

YOSUA 10:9

Lene Yosua kin nide tentara ijo leu Gilgal mem mmun bimbut kikau biyuug krau Gibeon mem ha yausi ba, icut igkep tentara Amori bihwen yok kros.

NINGAT-HI-NGAT NYA 17:17

Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.

NIJAM NIKEI NYA 6:27

Lene Gideon nduk nide awak nya ibou simnai biyai hagom bit leu nok tuhan nicuk noti. Noro noni yai gima mem njap bi lewo ttin tut nide bat nya kin timiei minu dima. Gima rino noni yai gima mem mmun mau.

NIJAM NIKEI NYA 9:32

Gima rino ma aya tut ade tentara nya ba, jiba mmun bikwei ku je nyahan ei ngoi dumti nya.