NEHEMIA 2:10 - ALLAH NIHYET MEM TUNGWATU NYA

¹⁰ Mpe dima lene Sanbalat leu minu ndig Bet-Horon kin Tobia di nok nibou gom ei minu Amon imiap dinghapti tut gi dikwei cem kep mben Israel di ikinding itimieisi hanyen lene yahacem ingon mpo tut da.

NEHEMIA 2:10 Iomraidhean Croise

NEHEMIA 13:1

Mpe dipo Imam Ezra kwop kep Musa Nicuk yokti nya bak limwa nya pima ne noni um nipas kepti di nibimbiti pai “Harin dima mben Amon kin Moab ibicom yam bit Allah de limwa nya a.

NEHEMIA 13:28

Yoyada ne Imam Nibou Ndig di Elyasib nipmot rin noro nipmot gom jem nipmang bit Sanbalat di nitimieisi leu minu ndig Bet-Horon. Gima rino dijji Yoyada leu minu ndig Yerusalem bihigom.

NEHEMIA 13:4

Imam Elyasib ya ser ninsi di inju ndigban eisi nya ei tuhan De Ig bijem nisut bit Tobia wer mimbrek tu.

NEHEMIA 2:19

Noro Sanbalat kin Tobia kin Gesyem di mben Arab gom imiap nyeni ninghapti tut ningon kanti dima lene yahagom ipa ndip nye bipai “Ma jibon ndei notou i? Mijaham jimbuk kep nibou ndig minu Persia e?”

NEHEMIA 4:7

Mpe dima lene Sanbalat kin Tobia kin mben Arab kin mben Amon kin mben Asdod yahagom imiap nyeni ninghapti tut gi nikinding ngug tig di bikrop ttai minu ndig Yerusalem kikau ug bipek niket ei yamti apino ingon sibui sut nye nindig bibor.

NEHEMIA 6:1

Mbro nok gino nigikinding dimbou pmem nimeng nya bitut nidihim nya ei ngug tig dima biput mem mpe dima bigyo lo, nitok joti nya di inyeng rino Sanbalat kin Tobia kin Gesyem kin nyende siceu nindigsi nya imiap tut gi nisien ser ngug tig nimihyeti nya hagom tu leu api ingon kinei sut nye.

NEHEMIA 6:16

Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.

ESTER 10:3

Mordekhai di mben Yahudi yai ninyeng di jei ba, noni ne no di ya kui Nibou Ndig Ahasyweros binok nide wakil mem nijam di nibou ndig ninyeng tak kepti ri. Limwa Yahudi nya ingon kei sut Mordekhai ba, ibou cut binoni cem. Noni brim ningkek bibindei ba, nide mben ingwes ngun leu mun di cut igkep yok ba, ibong kei igwam kei cem. Ba, noni yai igbit niyaisi dima tut ide nintun him yamti di bram yam nya cem.

MAZMUR 112:10

Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.

NIPINGOK NINGONTI 27:4

Ningon di nggrom kep hiter ne sisar rin binggek tut noro tou rahau mem hiter di ningon kinei sut noni i?

NIPINGOK NINGONTI 30:22

Awak di ya luei nibou ndig nohoti kin no di ningon mbum di ma mun nyeng hagom di ningon pri kep,

NIBA NINGON SRIP HUKTI 10:7

Dingat awak nya bihi di ikui kuda bigwam dip lo, yo di inyeng jei nya bihi imbut imig tereu nok awak nya.

YESAYA 15:5

Dingon ngguk tut minu Moab! Timiei nya icat ndigban binang tut ug ei minu ndig Zoar kin Eglat-Selisia. Bihi inang bikui puig di ug ei minu ndig Luhit ba, ibipim kak imbutti. Bihi inang ug ei minu mien Horonaim ba, ibahara inghuisi di wei lewo mun di buhun cut igkep yok.

YEREMIA 41:10

Leu api Ismael kat nibou ndig nipmisop bat nya kin yo di yahagom di ingat rin ei Mizpa di Nebuzaradan kes yok bak Gedalya di ninyeng tak kep yok nya yahagom. Noni kat yok bisima leu api nang tut yok hallu kak puig di bie ug ei minu Amon.

YEREMIA 48:34

Timiei minu ndig Hesybon kin Eleale nya ipim ba, ighyet di ipim dima tibim kikau ug ei Yahas bimiap. Lene timiei Zoar kikau ug bipek kin Horonaim kin Eglat-Selisia nya cem imiap ipimti a. Ipim kep Minyei Pmot Nimrim di pingge leu yok tu.

YEREMIA 48:5

Amiap nihyet nipimti kak puig di kui ndam minu mien Luhit ba, nihyet nipim kui jeisi kak puig di juk ndam Horonaim ri.

KISAH 4:2

Ingon sibui sut Petrus kin Yohanes lewo itri tut bipia Yesus kiju hanyen leu nimai eisi tu. Ba, nikiju hanyenti ne bindo bipia tungwatu nya cem mikiju hanyen leu imai eisi.

KISAH 5:24

Tirigi yo di igya ser Tuhan De Ig ide nibou nya kin Nikei Puig Yahudi Nya imiap ipaisi dima lene ingon kiowi tut mun di pek kep mem yo di igya kui Yesus ba, idigit tut.