NEHEMIA 13:7 - ALLAH NIHYET MEM TUNGWATU NYA

⁷ dingkwei hanyen kwei ei minu ndig Yerusalem. Dikwei krau tu lene dingwes mba tirigi dimiap tut bipia Elyasib kes nghim nsi gom ei tuhan De Ig bak Tobia bibongti.

NEHEMIA 13:7 Iomraidhean Croise

NIBOHON MBEN ISRAEL GI NIGOM 3:24

Lene Elyoenai yai nipmot bat nya ibou muhwindacan ba, inyeng rino Hodawya kin Elyasib kin Pelaya kin Akub kin Yohanan kin Delaya kin Anani.

EZRA 9:1

Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.

NEHEMIA 13:1

Mpe dipo Imam Ezra kwop kep Musa Nicuk yokti nya bak limwa nya pima ne noni um nipas kepti di nibimbiti pai “Harin dima mben Amon kin Moab ibicom yam bit Allah de limwa nya a.

NEHEMIA 13:5

Noni ndo nghim nsi ndig gom di ibet pijum ei mem gima inju munkwas nok gandum kin biei nggrai di ui-gwang kei kin nimbumbati di ibiyai midyai ei tuhan De Ig kin munkwas mem imam nya bitut gandum kin ba anggur ngei kin mini zaitun ngei di ikwas gom leu ningot gom lene nok tut Lewi nya kin yo di iba musik bipai doia nya kin yo di igya ser tuhan De Ig bak Tobia bibongti.

NIBWOS-BWOS NYENTI 1:10

Siceu di ibindei timek no ipos nide ndigban ningwig tu o! Nok gima cem noni ngat gi siceu nya icoi ug ei tuhan De Ig bou niyai him o! Gima ne niyai munti gom di tuhan ggai ser ngkiai nya tut rin o!

KORINTUS GI NIGOM 1:11

Dibidip huk jeni nok lewo Kloe nide bat nya ibou poi ibakilak je bipai bida bipia jiliriem yam.