NEHEMIA 13:3 - ALLAH NIHYET MEM TUNGWATU NYA

³ Tirigi mben Israel yuum nipas kepti nibimbiti dima lene icom ngkiai nya yahagom leu ikieiti.

NEHEMIA 13:3 Iomraidhean Croise

EZRA 10:11

Gima rino ma jipai jit jide sisar dima bak tuhan Allah di idigup bat-idigai bat nya ikuk yok bak leu lene jibon mun di biyai tuhan ningon di kei hanyen. Ma jimbres jenti ei minu ting leu ngkiai nya di ibong srig jikieti ei jitimieisi dini lene ma jikes jitnem bat ngkiai nya dima bingkwei hanyen leu jikieti ug ei itimieisi hak ug.”

EZRA 9:2

Pinai Yahudi nya iwak sop mben ngkiai apino map kui tuhan de limwa pijum nya tu. Yo di ibon mun dima nimbie him ngat hak rino nibou mben Israel kin yo di inyeng jei nya.

NEHEMIA 10:28

Nye di limwa Israel kin imam nya kin Lewi nya kin yo di igya ser Dimbou Pmem ei tuhan De Ig kin yo di iba musik bipai doia igkei nya kin yo di igyai midyai ei tuhan De Ig nya kin nyeni nitnem bat-nimunggwom bat nya di wer imahan di ingon huk niti tu kin yo di ibit Allah de nicukti nya yahagom kin yo di yoom yonti ter leu mben ngkiai di ibong timiei ei nyende minu dini,

NEHEMIA 9:2

Timiei minu Israel dini yok imbres yo leu ngkiai nya nipou su. Lene yahagom ikiju ba, igya ter bipai jit ide sisar kin idigup bat-idigai bat nya ide sisar cem.

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 119:9

Gino pilei nya idimig ide niyaijoti ba, ibibit Ade nicukti nya lene dem mem gima yoni igya ser ide niyaijoti bikwes.

NEHEI LEUSI 12:38

Lene ijem ide sapi nya kin domba nya kin kambir nya mang bibor bimbut tut. Lene ngkiai di itti kin mben Israel di ibit yok nya cem imang ndig.

NIPINGOK NINGONTI 6:23

Acig-apmem nya ide ningginausi nya dem kep ninjeng di piga digai puig di kei mem nani ba, ide nisok kepti nya mindo puig niyaijoti di kei bibor bina.

MBEN ISRAEL IMBUT-MBUT NYEN 11:4

Mpe dima ne ngkiai nya cem iba yo kum mben Israel kak puig sinon dima lo, ngkiai dima yok ikimam mikwau nindig bibor. Apino mben Israel cem sindi inso-nso nyen bipai “Ayo! Mikwau hi mem nye bigyem e!

ROMA 3:20

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.