NEHEMIA 11:1 - ALLAH NIHYET MEM TUNGWATU NYA

¹ Nibou nya ibong hak ei minu ndig Yerusalem. Noro limwa nya ikus bit ba, idimig bibikwop nimpung ig bei simnai ei leu api iba bit nimig mbus bidimig nimpung ig bei gom leu ningot gom ei lene nok. Suar nimpung ig bei di ikus bit di ibimig mbus dima ibong hak ei minu ndig Yerusalem di Allah dimig ei mem Nonti. Leu api nimpung ig bei nindigsi nya yahagom yuug bong ei minu ndig kin minu mien hiter nya.

NEHEMIA 11:1 Iomraidhean Croise

NIBOHON MBEN ISRAEL GI NIGOM 26:13

Bikwop insi de nya gi nindig cem gi nimien cem ikus bit leu binhyepo ibikan tut dimbou pmem dima igya ser nya.

NIBOHON MBEN ISRAEL GI NIGOM 8:28

Yo dini ne nibou ig bei nsi nya kin nibou di ibie tut yok nya di ipas kep inyeng ei ide daptar pungti nya ri. Ide nintun him di bram yam nya ibong ei minu ndig Yerusalem.

NIBOHON MBEN ISRAEL GI NIGOM 9:1

Daptar limwa Israel yahagom inyeng jo ei srat Nibohon Nibou Ndig mben Israelti ibibit leu ide ig bei nsi gom-gom. Mben Babel ikat timiei Yehuda nya ba, icom yok ug ei ingkiaisi ba, isima ei sirima drek dip ide sisar di ibon nya.

NIBOHON MBEN ISRAEL GI NIGOM 9:2

Yo di ingkwei hanyen ug ei itimieisi ba, ibong ser minu ndig di ide nya hanyen ei nimbie him ngat rino imam nya kin keret Lewi kin yo di igyai midyai ei tuhan De Ig bitut ide awak nya cem.

NIBOHON MBEN ISRAEL GI NIGOM 9:3

Keret nya di ingkwei bibong ei minu ndig Yerusalem hanyen leu bikwop keret Yehuda kin keret Benyamin kin keret Efraim kin keret Manasye.

NEHEMIA 10:34

Nye di limwa nya kin imam nya kin Lewi nya minikus bit bikwop ari bingwam ba, nibinggok tut keret di tou rima mirop biei mui mem indig mindhe-ndhe kep hum ei nimbar hum dokti bak nyende tuhan Allah bit leu Nide nikos tutti pai binyeti.

NEHEMIA 4:22

Dicuk mindor mem midyai dima kin ide limwa nya leu binhyepo ibong ser minu ndig Yerusalem kikau mem nijam di ikinding ngug tig leu binhyepo igya-ya nyen ser siceu nya mem mmun lene inda jo kep midyai mem njap.

MAZMUR 122:5

Nibou ndig di intun Daud him nya imbus ide limwa nya ingonti ei mpia dini.

MAZMUR 122:6

Jingat nadi tindei nibong kei nigwam keisi mem minu ndig Yerusalem bijipai “Dijoi sut gima yo di ingon ngakei minu ndig Yerusalem ibong kei igwam kei ba,

NIPINGOK NINGONTI 16:33

Tungwatu nya iko bibinggok tut leu binhyepo ibikan tut mun di mipek kep mem yok noro tuhan mibuhup bit leu Nonti ningon kanti.

YESAYA 48:2

Mbro nok gima lo, jiba ningon di llei bipai bipia jeni ne timiei minu ndig di kwes rin ba, jirok kui Da di Allah Israel di dinyeng rino tuhan Di Ninyeng Jei Bibor.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

MATIUS 27:53

Yo dini yehei leu jui nsi ba, igwam bibou Yesus kiju hanyen leu nimai eisi nipou ug e leu api icoi ug ei Yerusalem apino tungwatu nya imang bibor ingat yok bou igyai him.

MATIUS 4:5

Lene Bilis buwak Yesus ug ei minu ndig Yerusalem mpia di kwes kei lene kes Noni ei Tuhan De Ig biya ig bou ninjek dip anai bibor.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 1:26

Pai nok leu rino iko binggok tut ibou can dima leu api mun di iko dima ndo Matias. Gima rino ikon noni ninyeng nok no di ya kui Yesus nijep di ba no bikum ibou simnaibrimiggom bu.

YOSUA 18:10

Leu api Yosua ko binggok tut leu binhyepo bikan tut tuhan ningon kanti mem yok leu api kwas dihyei hanjop nsi dima tut keret mben Israel gom-gom di itug ndei hi bigyo nya.