NEHEMIA 10:34 - ALLAH NIHYET MEM TUNGWATU NYA

³⁴ Nye di limwa nya kin imam nya kin Lewi nya minikus bit bikwop ari bingwam ba, nibinggok tut keret di tou rima mirop biei mui mem indig mindhe-ndhe kep hum ei nimbar hum dokti bak nyende tuhan Allah bit leu Nide nikos tutti pai binyeti.

NEHEMIA 10:34 Iomraidhean Croise

NIBOHON MBEN ISRAEL GI NIGOM 24:5

Yo di intun nimpung Eleazar kin Itamar him bihi inok nibou mem midyai nya di igyai ei tuhan De Ig lene bihi inok imam nya. Gima rino ikwas midyai nya tut yok tug hon niko nibinggok tut.

NIBOHON MBEN ISRAEL GI NIGOM 24:7

No dima pas kep inyeng di idimig ei bibit leu nomor tut midyai nya di itug ndei tug hon bit di ikus mem nimpung ningot can ba, bitai. Nigom ne Yoyarib ri. Nican ne Yedaya ri. Niningai ne Harim ri. Nibitai ne Seorim ri. Nimuhwi ne Malkia ri. Nimuhwindagom ne Miyamin ri. Nimuhwindacan ne Hakos ri. Nimuhwindaningai ne Abia ri. Nimuhwindatai ne Yesua ri. Nisimnai ne Sekhanya ri. Nisimnaibimiggom ne Elyasib ri. Nisimnaibrimigcan ne Yakim ri. Nisimnaibrimigningai ne Hupa ri. Nisimnaibrimigtai ne Yesebeab ri. Nisimnaimuhwidip ne Bilga ri. Nisimnaimuhwidip brimigtehigom ne Imer ri. Nisimnaimuhwidip brimigtehican ne Hezir ri. Nisimnaimuhwidip brimigtehiningai ne Hapizes ri. Nisimnaimuhwidip brimigtehibitai ne Petahya ri. Ninyatungwagom ne Yehezkiel ri. Ninyatungwagom gom ne Yakhin ri. Ninyatungwagom can ne Gamul ri. Ninyatungwagom ningai ne Delaya ri. Ninyatungwagom bitai ne Maazya ri.

NIBOHON MBEN ISRAEL GI NICAN 2:3

Salomo sok nihyet bak Hiram di nok nibou ndig mem Tirus bipai bak “Handei kon ba, abindei mbut nitri-nibipek munti bit da noyam kin gi po abindei mbut bit dicig Daud nipou pima. Nipou dima lene Na Di Andigpoi atri biei buom Libanon bak dicig ba, dicig bingot nide ig nibou ndig tu.

EZRA 3:5

bitut nibon midut nindig mindhe titut kep humti kin nibon midut nindig mindhe-ndhe kep Njap Ndig Bed Jep kin nibon midut kep njap ndig nikuk no bak tuhanti nindigsi nya ba, hagom mbut sindam. Lene iba mun di ikwas tut tuhan mikuisi cem ibikuk yok biNoni.

NEHEMIA 11:1

Nibou nya ibong hak ei minu ndig Yerusalem. Noro limwa nya ikus bit ba, idimig bibikwop nimpung ig bei simnai ei leu api iba bit nimig mbus bidimig nimpung ig bei gom leu ningot gom ei lene nok. Suar nimpung ig bei di ikus bit di ibimig mbus dima ibong hak ei minu ndig Yerusalem di Allah dimig ei mem Nonti. Leu api nimpung ig bei nindigsi nya yahagom yuug bong ei minu ndig kin minu mien hiter nya.

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NIPINGOK NINGONTI 18:18

Gino ibou can di iji ngkiem ibrim ingkek kep nikei lo, noni kos tut yok kan bi lene ma noni ko binggok tut ide munhyet.

YESAYA 40:16

Mindhe-ndhe hagom di ingat rin ei baham tindurti ei Libanon nok gi dem mem gima ibibon midut ei nimbar hum dokti bak ide tuhan bi. Biei ninjem nya hagom ei baham tindurti dima cem nok gi dem mem gima ibindig hum ei nimbar hum dokti dima bi.

IMAM NYA IDE MIDYAI 24:5

Ma jiba tepun di kei bibor kilo simnaibrimigcan bibon roti nindak simnaibrimigcan ba, nindak gom nibuhunti kilo gom ngat bibikwop nok.

IMAM NYA IDE MIDYAI 24:6

Ma jikes roti dima ei nipuig canti ba, bikwop nipuig can dima bon nide roti nindak muhwindagom di jo simiak yam ei meja dip di jiba mas di kwes binggai ei tuhan De Prak Mengti.

MBEN ISRAEL IMBUT-MBUT NYEN 28:2

bipai bak mben Israel bipia suar ikwas munkwas tut tuhan mem nibon midut njita nibipai sigyo bak Allahti dem igbit nituti di Noni ndo ei su leu binhyepo ibiyai ningon kei. Lene suar igyok ngon kep nicukti dini mungkun kei.

KISAH 1:26

Pai nok leu rino iko binggok tut ibou can dima leu api mun di iko dima ndo Matias. Gima rino ikon noni ninyeng nok no di ya kui Yesus nijep di ba no bikum ibou simnaibrimiggom bu.

YOSUA 9:27

Noro yuubon yok nok awak ba, iba yok biyai kep midyai nipes kep biei kin nitau kep minyei mem mben Israel kin tuhan de nimbar hum dok cem. No igyai kep midyai dima kikau kwei bipek ammani kep ei mpia di tuhan ndo ei mem ikuk yok biNoni eisi.