NEHEMIA 1:9 - ALLAH NIHYET MEM TUNGWATU NYA

⁹ Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

NEHEMIA 1:9 Iomraidhean Croise

NIBOU NDIG NYA GI NIGOM 8:48

Gino iba ingon titut bittin ser ide sisar ei minu ting dima leu api ikiek yok ba, iba yoho rok minu di ayai bak nyeni nidigup bat-nidigai bat nya dini kin Daud De Minu Ndig di adimig ei su dini kin Ade Ig di dingot mem Nani ba, ingat nadi,

NIBOU NDIG NYA GI NIGOM 9:3

bipai binoni “Dingig ditingou mem ahyet tirigi angat nadi pima tu. Didimig Ditde Ig di angot dini pijum ei nok gumihyep gom ngat mem tungwatu nya ikwei kuk yok biDa eisi bijo ninno bijo kikau. Lene midiyok diyai kep ig dini ba, midinyohou kikau.

NIBOHON MBEN ISRAEL GI NIGOM 16:35

Jipai biNoni “Na Di Allah di ateu nye leu mun di buhun ba, abiyai ningwes ngun binye e, ateu nye biningwes ngun leu mben ngkiai ikieti lene aba nye bicom yam hanyen leu binhyepo nahap niji binipai sigyo ba, nikon anyeng di kwes-kwau cem!”

EZRA 6:12

Diyok ngon mem Allah po dimig Yerusalem ei nok mpia gom ngat di tungwatu nya ikuk yok biNoni eisi pima miyai nimai bak bikwop nibou ndig kin keret dihyeisi dini nya di isrep tut dicuk jeti dini binggek tut tuhan De Ig di iwin dima. Dani ne Darius rin ba, ditri tut ditde nicukti tu. Suar tungwatu nya yahagom iba ingon titut yam ce tut ba, ibit.”

MAZMUR 106:47

Nyende tuhan Allah e, ateu nye biningwes ngun. Anduk nye kwei leu ngkiai nya ikieti leu binhyepo nipai sigyo ba, nikon anyeng di kwes-kwau cem.

MAZMUR 107:3

Noni buwak je hanyen kwei leu jingkiaisi ei nite bei mpia nipriti kin nikimbasti kin ei mpia nijjai kin nibiho hagom tu.

MAZMUR 147:2

tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 27:12

Mpe dima lene tuhan minduk Nide limwa nya gom-gom sindam kwei leu Minyei Efrat nyai kikau buug bipek kin minu Mesir de minu niya kwas yamti ba, ibicom yam. Noni mikwas yok noyam kin gi tungwatu ikwas gandum ninjep leu nisina bai pimo.

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

YEREMIA 12:15

Noro tirigi dibindei hei yok lene midingondut yok hanyen bu. Midibuwak bikwop ngkiai nya yahagom ba, midikes yok ei itimieisi hanyen.

YEREMIA 3:14

tuhan pai “Je di limwa di jingon gom bi e, ma jingkwei hanyen ndam Da. Jeni ne Ditde nya ri. Midimbus tungwatu nya leu bikwop jide minu ndig nya hagom. Ba, dimbus ibou can-can leu bikwop jide keret nya hagom cem. Lene midibuwak je hanyen ug ei Nungug Sion.

YEREMIA 31:10

tuhan pai “Je di ngkiai nya e, ma jingig jitingou mem dihyet! Jitri tut dicuk jeti nya kikau ug ei muk nite dima ug. Midinduk Ditde limwa di dibindei ntek gimahap yok ei ingkiaisi hanyen kwei. Midinyohou yok dem kep nok gembala di ya ser nide domba nya.

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEREMIA 6:22

tuhan pai “Mben di isindem bibor gom minjei kwei leu itimieisi ei nite bei mpia nijjai ei minu ting bibor bikon pran.

YEHEZKIEL 14:6

Apai bak mben Israel cem bipia Da di tuhan Di Dinyeng Jei Bibor dipai ‘Ma jittin ser jide sisar di jibon nya. Jiba jinghim bak jide kwar di jikuk je bak di bibon ningon him weisi dima hak ug.’

YEHEZKIEL 36:24

Midimbus je kwei leu bikwop ngkiai nya yahagom ikieti leu api dibuwak je hanyen kwei leu dihyei nisurti-nipekti mem gima jibong ei jitimieisi hanyen.

IMAM NYA IDE MIDYAI 26:3

Gino jiyaijo bit leu nok dikos tutti nya ba, jibit dicuk jeti nya,

ZAKHARIA 8:7

Miditeu Ditde limwa nya leu ingkiaisi di ide siceu nya ikat yok di icom yok ug ei nya,

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

NINDAT KEP TUHAN NICUKTI NYA 12:21

Gino minu ttou nsi gom ngat di Noni ndo ei su jo minu ting bibor lene Noni misindui sut gima jibui mindhe-ndhe di jihyen kep nya di Noni yai bije tu ba, jiyem mikwau dima ei jide ig bei bit leu jingon kanti nok gi po dipai bije tu pima.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 30:1

“Nogindini mibon nituti mem jihig jingon eisi. Jijoi sut niyai gi kei e, he jijoi sut nisigion jeti nok gi dipingok je tut e? Gino mun di buhun pima hagom cut igkep je apino jibong jingkiaisi ei minu di tuhan di nok jide Allah com je eisi ei nidipti bu nya lene mijiyok ngon kep puig can dini di dindo bije.