NEHEMIA 1:6 - ALLAH NIHYET MEM TUNGWATU NYA

⁶ tuhan e, ma angig ayai kep da ba, angig atingou mem dihyet tirigi dingat nadi tindei Ade limwa di mben Israel bikwop mmun-njap. Dipai jit bipia nye di mben Israel nibon sisar tu. Dani kin didigup bat-didigai bat nya nahagom nibon sisar tu.

NEHEMIA 1:6 Iomraidhean Croise

NIBOU NDIG NYA GI NIGOM 8:30

Na di tuhan di angat rin ei atimieisi ei gwamti e, angig atingou mem dihyet kin Ade limwa nya ighyet cem ba, akos ser nyende sisar tirigi nikiek nye ba, niba noho rok Ade Ig dini biningat nadi.

NIBOU NDIG NYA GI NIGOM 8:47

lene tuhan e, handei kon ba, angig atingou mem Ade limwa nya ighyet tirigi ingat nadi. Gino ittin ser ide sisar bingat nadi bak Nani lene ipai jit bipia ibon sisar ba, imbuk bibor tu lene ma angig atingou mem ighyet.

NIBOHON MBEN ISRAEL GI NICAN 28:10

Nogindini juubon timiei minu ndig Yerusalem kin timiei Yehuda nya ba, inok jide awak nya bu! Jikan tut bipia jeni cem jibon sisar tut jide tuhan Allah bi e?

NIBOHON MBEN ISRAEL GI NICAN 29:6

Idigup bat-idigai bat nya iba ingon di gom bibit tuhan Allah bi. Ba, ikes Noni ei leu api iba inghim bak Nide gumihyep di Ningat rin eisi dini cem.

NIBOHON MBEN ISRAEL GI NICAN 6:40

Ditde Allah e, nogindini ma ayok ayai kep nye ba, amiap kep nyende nadi di ningat bak Nani ei gumihyep dini.

EZRA 10:1

Tirigi Ezra ba nipim bingat nadi bipai jit sisar ei tuhan De Ig nuhui cem bisri lene limwa Israel nya imang bibor idem yam. Yo dima ne pinai nya kin sop nya kin munggwom nya cem. Nimpung dini yahagom ikwei ngwig ttai Ezra bipim nggruet bit noni cem.

EZRA 10:11

Gima rino ma jipai jit jide sisar dima bak tuhan Allah di idigup bat-idigai bat nya ikuk yok bak leu lene jibon mun di biyai tuhan ningon di kei hanyen. Ma jimbres jenti ei minu ting leu ngkiai nya di ibong srig jikieti ei jitimieisi dini lene ma jikes jitnem bat ngkiai nya dima bingkwei hanyen leu jikieti ug ei itimieisi hak ug.”

NEHEMIA 1:11

Ma angig atingou mem dihyet kin Ade awak nindigsi nya di ikon anyeng yahagom ighyet. Ampu da leu binhyepo dibindei ba, nibou ndig ngondut da tirigi dihug ba anggur ningei ei mokti bak noni mem njap di ammani lewo dani ne Ade awak ri.”

MAZMUR 102:17

tirigi Noni win Sion hanyen bu bindo ninyeng di jei brei biyok.

MAZMUR 106:6

Niyai kep nidigup bat-nidigai bat nya igyai kepti ba, nibon sisar. Nyeni nisibut ba, nitunggwei sut ahyet cem tu.

MAZMUR 130:2

tuhan e, angig atingou mem dihyet tirigi dahara Nani ba, ayok ngon kep mun di dahara Na tut.

MAZMUR 32:5

Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

MAZMUR 55:17

Noro dahara tuhan Allah kwei mpu da. Noni miteu da bidingwes ngun.

MAZMUR 88:1

Doia ningginau Korah ninsi de di tug hon Heman di mben Ezrahi mem no di bie tut doia nimpung di bikiek Mahalat Leanot.

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

NIBWOS-BWOS NYENTI 5:7

Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

DANIEL 9:15

tuhan di nyende Allah e, ando Ade nisindemti tirigi po abuwak Ade limwa nya kwei leu minu Mesir. Tungwatu nya yahagom igyok ngon kep Ade nisindemti dima kikau kwei bipek ammani kep. Noro nibon kep sisar biniyai mun tunggwei cem tu.

DANIEL 9:20

Duhuk nadi kikau bidipai jit ditde sisar kin dide bat mben Israel ide sisar. Dibidip huk tuhan di ditde Allah leu binhyepo Noni pindi Nide Ig bikei hanyen.

DANIEL 9:4

Lene dingat nadi bak tuhan di nok ditde Allah bidipai jit sisar di dide bat mben Israel nya ibon tut Noni bidipai “tuhan e, anyeng jei bibor ba, nikuk nye ei Aho bei. Angon gom tut mun di apreu ei mem nye nipou su ba, angondut yo di ingon ngakei Nani bibit Ade nicuk yokti nya.

DANIEL 9:5

Nibon sisar binimbuk bibor ba, nibon mun tunggwei sut Na cem. Naham nimbuk kep Na binikou sut Ade nidimigsi nya biniba ninghim bak angon kanti di kei bibor mem nye cem.

DANIEL 9:8

Nyende nibou ndig nya kin nibou mien nya kin nidigup bat-nidigai bat nya yahagom igyai munti nya kinei bibor ba, ibon sisar tut Na di tuhan.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

TIMOTIUS GI NIGOM 5:5

Sop kibom di nijit rino sop kibom di bon nide bat nya hi di inyohou noni bi. Noni ba ningon com Allah ba, huk nadi bak Noni tut mun di suar bikwop mmun-njap.

2 TIMOTIUS GI NICAN 1:3

Dijem sigyo bak Allah. Dinok Nide awak di ningon mien kwes kei dem kep nok didigup bat-didigai bat nya di inok awak mem Noni nipou su. Dijem sigyo bak Noni tirigi dingat nadi tindei na bikwop mmun-njap.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

SAMUEL GI NIGOM 15:11

“Dinso Danti tut gi didimig Saul nok nibou ndig lewo noni kiek noho ter leu Da ba, bit ditde nicuk noti bi.” Lene Samuel ningon buhun bibor ba, ngat nadi bibidip huk Allah kikau mem mmun dima.