NEHEMIA 1:1 - ALLAH NIHYET MEM TUNGWATU NYA

¹ Srat dini tut Nehemia di Hakhalya nipmot de midyai nya. Ei Bed Kislew tirigi nibou ndig Artahsasta ninyeng tak kep mben Persia mem ari bingwam nyatungwagom tu lene da di Nehemia dingat rin ei minu ndig Susan di nok nibousi mem minu Persia.

NEHEMIA 1:1 Iomraidhean Croise

EZRA 10:9

Tirigi tto bou ei njap ningai pima dem lene pinai di ibong bidem hanjop Yehuda kin Benyamin yahagom ikwei dem yam ei minu ndig Yerusalem ba, induk yam ei mpia di jo bas hak di iba ngug tig bikrop ttai ei tuhan De Ig him. Idem yam ei njap gi nyatungwagom ei bed gi nimuhwindatai. Mpe dima lene biget cem but mbras bikui yahagomti leu api hou cut ba, idigok bibor. Idigit-digoi drek dip gi yuum yam ei di bon ninyeng mem yok cem.

EZRA 7:7

Tirigi Kaisar Artahsasta ninyeng tak kep mben Persia mem ari bingwam muhwindacan tu lene Ezra jo leu minu Babel bimbut ug ei minu ndig Yerusalem bit mben Israel nimpung gom. Yo dini ne imam kin Lewi nya kin yo di ipai doia ei tuhan De Ig igkei nya kin yo di igya ser dimbou pmem ei tuhan De Ig kin tukan nya yahagom ri.

NEHEMIA 10:1

No di tak buk nimbie him ngat rino nibou hanjop di Nehemia di Hakhalya nipmot. Leu api Zedekia tak buk bram bu. Cin dini itak buk bibie leu api limwa dini yok itak buk bram yok bram yam bu.

NEHEMIA 2:1

Bed nitindur bitai ser tu lo, tirigi Nibou Ndig Artahsasta yem njita ne diba diimaisi mmou buhug ba anggur ningei ei mokti bak. Hon kep njap dima nimo jug noni ngat diimaisi di hai nok gima bou niyai him bi sren.

NEHEMIA 5:14

Mpe dima lene Nibou Ndig Artahsasta ninyeng tak kep Persia habiei leu nijam ari bingwam nyatungwagom kikau ug bipek ari bingwam ningot ningai ba, can tu. Dinok nibou hanjop Yehuda mem nijam ari bingwam simnaibrimigcan dima lo, dani kin ditde adig-ajoi nya nibrim njita di ibahati tut da di nibou hanjop mem nijam dima bi sren.

ESTER 3:15

Lene yo di ipwoi srat di imbut tut pima yok ibipbur bidor tut leu binhyepo itri tut nicukti dima bidem hanjop nsi nya ei nibou ndig ninyeng tak kepti dima nisurti-nipekti hagom. Itri tut nicukti dima ei minu ndig pmem Susan cem leu api Nibou Ndig kin Haman igwam-gwam nyen ba, ibidut ba anggur ngei. Gima leu lene nicukti dima bindei ba, timiei minu ndig pmem Susan ingon buhun. Gima rino tungwatu nya ighyet ngwig kep yam.

DANIEL 8:2

Ei ningat-hi-ngat dimati ne dingat lo, dingat rin ei hanjop Elam ei minu ndig Susan di nok minu ndig nipmem ei minu Persia. Diya dideu Minyei Ulai,

ZAKHARIA 7:1

Nibou Ndig Darius ninyeng tak kepti mbut ug bipek njap gi nibitai ei bed nimuhwindatai di ninyeng Kislew leu api tuhan sok nihyet kwei mem da.