MIKHA 5:3 - ALLAH NIHYET MEM TUNGWATU NYA

³ Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

MIKHA 5:3 Iomraidhean Croise

NIBOU NDIG NYA GI NIGOM 14:16

tuhan mikes ninda leu mben Israel drek dip sisar di Yerobeam bon nya di bindei di mben Israel cem ibon sisar.”

NIBOHON MBEN ISRAEL GI NICAN 30:7

Ma jinok jidigup bat-jidigai bat nya kin mben Israel nindigsi nya di iba ingon di gom bibit ide tuhan Allah bi pima au. Jo nibreisi mem je tu bipia Noni kes hukum ei yok dip tu.

MAZMUR 67:3

leu binhyepo tungwatu dihyeisi dini hagom mikan tut angon kanti mem yok bikan tut bipia asindem mem gima ateu yok leu sisar ba, ayai niyaijo nijep biyok.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HOSEA 2:14

tuhan pai “Gima rino midibuwak noni hanyen ug ei iggum ndigsi leu api diba dihyet di mmau bihwen ningonti.

HOSEA 2:9

Gima rino tirigi bed dem mem ike gandum kwei ei ig gudanti ne midipos gandum kin ba anggur ngei kin sinsun wol kin sinsun linen di diyai binoni pima hanyen bingwig leu noni.

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

MIKHA 4:4

Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.

MIKHA 4:7

Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”

MIKHA 5:7

Mben Israel di isima ei ingkiaisi minok mindhe singa di lus-lus nyen srig mindhe-ndhe bigbehei nya ikieti bisrig domba di igyem kep abris nggrup ei abris nghousi ikieti cem. Singa dima cut igkep domba dima yok ba, ham yok lene bibrig-brig nyen yok bingwig. Bit bon hi teu domba nya leu singa nuhui kan bi.

MIKHA 5:8

Mben Israel mibindei timek ide siceu nya bicok tut yahagom ningwig a.

MIKHA 6:14

Mbro nok gino jiyem njita lo, njita dima ndei je bi leu api jinggum kikau. Mbro nok gino jipos ndigban leu tungwatu nya lo, bit bon jinyohou ndigban dima bijo kikau kan bi. Midibindei ba, ndigban di jinyohou dima timek bingwig tug hon pran.

MIKHA 7:13

Noro dihyei ninjek dip nindigsi minok iggum ndigsi bu drek dip yo di ikieng kep dihyei dima igyai munti di mbuk bibor nya.

ZAKHARIA 10:6

“Midiyai nisindemti bak timiei minu Yehuda nya biditeu mben Israel bingwes ngun. Midibuwak yok hanyen kwei ei itimieisi lewo dingondut yok. Midimpu yok tereu nok mben dino dibikep ser yok bi sren nya. Dani ne ide tuhan Allah rin ba, diyok ditingou kep ide nadi hanyen bu.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.