MIKHA 4:3 - ALLAH NIHYET MEM TUNGWATU NYA

³ tuhan migwam nok nikei di kos tut mben dihyeisi dini kin ide ninyeng tak kepti di sindem bibor gi ibong dideu kin gi ibong ting bibor nya ide munhyet. Yoni mitug ide singau simeda bikinding nok ngkimom di sapi bitem dihyei biprin ide tigtug nya hagom bidem kep nok singau koi nya. Mpe dima lene mben dihyeisi dini hagom mikon pran bit yam binjei siceu bu bi sren.

MIKHA 4:3 Iomraidhean Croise

MAZMUR 46:10

Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

MAZMUR 72:3

Ma asindui sut ba, nyende miai nya ngat ningat di kei bibor lene Ade limwa nya ibong kei igwam kei tug hon ingon srenti.

MAZMUR 72:7

Abindei ba, ningon kwes kin yamti kieng kep tungwatu nya mem nijam di nibou ndig ninyeng tak kep ba, tungwatu nya ibong kei igwam kei kikau ug bipek bed mmun com ninjeng bu bi.

MAZMUR 82:8

Allah e, akwei gwam nok nikei mem tungwatu dihyeisi dini lewo anyeng tak kep ngkiai nya yahagom.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 25:3

Mben ngkiai di isindem bibor nya mikon anyeng ba, timiei nya mittin tut Na bidem minu ndig nya di mben di isibut bibor ide cem.

YESAYA 51:5

Niteu ningwes ngunti di diyai biyok dideu kwei su. Ditde njap nibindei timek siceu nyati mbigom mitau. Dinyeng mitak kep ngkiai nya yahagom. Minu di ting nya ibet ingon mem Da ba, igyok ingon mem Da kin Ditde nibon munti di bibon ninggap leusi.

YESAYA 60:12

Noro ngkiai nya kin ide nibou nya di ikuk yok bina bi mitimek bingwig.

YESAYA 65:25

Nsien mbrei di niten-pos nya mitai njita bit domba mien nya. Singa nya mitai njita noyam kin sapi nya lene wou nya yaham tungwatu bu bi. Mun di mbuk kin nirom ndokti mijo ei Ditde nungug di kwes-kwau dima nisurti-nipekti bu bi.”

YESAYA 9:7

tuhan simbot dat tut hukum di Noni mikes ei mben Israel dip tu.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

HOSEA 2:20

Midiwak na bit leu nok gi dipreu ei mem na tu. Mporo ma apai jit bipia Dangkom he rino ade tuhan.

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

ZAKHARIA 8:20

tuhan Di Sindem Bibor pai “Nijam midem leu api timiei minu ndig mang bibor minduk yam kwei ei minu ndig Yerusalem.

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

SAMUEL GI NIGOM 2:10

tuhan de siceu nya ittin nindig bibor apino mitug midut tug hon hukum di dem kep nok kru di nisu bong ei mpia-bbed him di Noni kes ei yok dip. tuhan migwam nok nikei mem tungwatu dihyeisi dini hagom. Noni miyai nisindemti bak nibou ndig di Noni ta ei su. Lene mibindei ba, nibou ndig dima nide siceu nya yahagom micut bak noni.”