MIKHA 2:3 - ALLAH NIHYET MEM TUNGWATU NYA

³ Gima rino tuhan pai “Dikos dat bipia midibindei ba, mun di buhun bibor micut igkep je leu api bit bon jingwes ngun kan bi. Ei nijam dima ne mijiba jingon di jei biya-ya nyen bu bi.

MIKHA 2:3 Iomraidhean Croise

YESAYA 29:20

Gima ne ningwig honti mem yo di ico kep nindigsi nya ba, ighyet kinei sut Allah cem ri. Allah mibindei sar yo di ibon sisar nya yahagom,

YESAYA 3:16

tuhan pai “Sop minu ndig Yerusalem nya ikon yonti bibor! Inggei-nggwang ba, ikek igyai igkei cem. Iba inggei bicom imig ba, srak di ikes ei imig hwen yam binggileng cem.

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 27:12

Da di Yeremia ditri tut nihyet dima yok hagom bak Zedekia di nok nibou ndig mem minu Yehuda cem bidipai bak “Ma akes nanti ei nibou ndig minu Babel nindati hak ug ba, anok awak mem noni kin nide limwa nya apino na di nibou ndig angwes ngun.

YEREMIA 34:17

Gima rino Da di tuhan disimbot dat bipia apo jigimiap kep dihyet ba, jigikwek je di mben Israel gom leu nuubon yok nok awakti bi e? Gima rino nogindini ditri tut gi dikwek je leu nuubon je nok awakti tug hon gi jitug ndei nimai ei pranti kin nsuwer ajar di hwen jeti kin gi jimai ninggumti. Dibibon jeni bit leu nok gi jibibon sapi di jibui nok mikwau. Dibindei ba, ngkiai nya ei dihyeisi dini hagom igyai ttin tirigi ingat Ditde niyai munti di bitut jeni bou igyai him a.

YEREMIA 36:23

Tirigi Yehudi kwop srat bokti dima hanjop nsi ningai bitai leu su lene nibou ndig ba nide singau mien bikos tut hanjop nsi dima leu bicom ug ei humti. Noni yai nok gima sindam kikau ba, hum yem srat dima hagom bingwig.

YEREMIA 43:2

lene Azarya di Hosaya nipmot kin Yohanan di Kareah nipmot kin yo di nindigsi nya di inggei sut yonti dima ipai bida “Abicum yo! Nyende tuhan gicuk na mem gima acuon ser nye tut gima nuug bong ei minu Mesir bi.

YEREMIA 8:3

Apino mben di ibon munti kinei dini di ingwes ngun bigyaisi jo yo nya di dibindei bintek gimahap ug ei tirima-tirima mingon bisau ndam ide njap ningwig honti hak leu gima igyaijo a. Da di tuhan Di Disindem Bibor disimbot dat tu.”

NIBWOS-BWOS NYENTI 1:14

Noni mbus ditde sisar nya hagom keyam leu api ngot kin yam binok gom lene ba gima bisrou dikimam apino gima buhun tak da di dinghuisi jet tut o! tuhan kes da ei siceu nya indati apino bit bon dibindei timek yok kan bi o!

NIBWOS-BWOS NYENTI 2:17

tuhan bindei ba, gi pai nihwen di nipou yo tin ei ningon kanti tut bisok kep nye tut pima kwei cut igkep nye tu o! Noni ba ningondut nye bisi bindei timek nye ba, ide siceu di imbuk tut nye ibindei timek nye tu o! Noni bindei ba, siceu nya igyai nillei tut gi ingat nyende nicutti bou igyai him o!

NIBWOS-BWOS NYENTI 5:5

Siceu nya ibidip huk nye mem gima niyai midyai di buhun noyam kin mindhe-ndhe nya ba, ninghuisi wei lo, igiyai nituti binye mem nigwam kep ninghuisi bi o!

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

AMOS 2:14

Bit bon yo di idor sindem bibor nya ingwes ngun kan bi. Yo di isindem bibor inghuisi jet bibor. Bit bon no di mimbri kui ningkek teu nonti biningwes ngun kan bi.

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

AMOS 5:13

Jiyai munti dima bindei ba, yo di ingon ki nya ikan bipia yahap iji mem nijam di kinei dima bi.

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

ROMA 16:4

binggok imai eisi tut da mpe di iteu da bidingwes ngun pima. Gima rino dipai sigyo biyok lo, dangkom he bi noro mbusyamei ngkiai nya cem yahagom ipai sigyo biyok.

EFESUS 5:16

Biken tirigi bon nituti mem je ne ma jiyai kep jiyai munti di kei bibor nya lewo nijam dini ne nijam di tungwatu nya isibut bibor ri.

NINDAT KEP TUHAN NICUKTI NYA 28:48

Gima rino suar jikuk je bak siceu di tuhan mipinak yok kwei mem gima ihwen bit je. Mijicut ei ninggumti kin ninggobiauti kin ninda ngwakti cem ba, juhui mbum nindig bibor. tuhan mico kep jeni sindem kikau ba, jibisar.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!