MIKHA 2:2 - ALLAH NIHYET MEM TUNGWATU NYA

² Gino ingon pri kep tungwagom de beisi lene ipos beisi dima leu noni hak ug. Tirigi iba yoho rok hiter de ig ne ijji ig ceu leu lene ibong ser ig dima binok ide bu. Bit bon tungwatu nya ingon jo nyahan tut mun di inyeng tut nya kin ide bat nya cem kan bi.

MIKHA 2:2 Iomraidhean Croise

NIBOU NDIG NYA GI NIGOM 21:1

Nabot nyeng tut ba anggur nghousi di jo dideu Nibou Ndig Ahab de ig ei Yizreel.

AYUB 31:38

Gino dison patok ei hanjop nibikkinti ba, dibipos hi nide dihyei binok ditde bu ba,

NEHEI LEUSI 20:17

Harin dima jingon pri kep mun di hiter nyeng tut a. Nok nide ig di bongti kin nitnem kin nide awak nya kin nide mindhe-ndhe nya kin nide keledai di noni nyeng tut nya.”

YESAYA 3:14

Noni kiju binok nikei di yai nibou tut nibou nya di ibie tut Nide limwa nya. Noni pai kep yok “Jeni rino jipos ba anggur ningat leu miai ba anggur nghousi nya ba, jide ig mpung tut ndigban di jipos leu yo di yuhui mbum nya.

YESAYA 5:8

Buhun bibor mem je di jipek ig nya bijiyai miai di hiter nide leu binhyepo jibikum jide mun di jinyeng tut nya bu! Jei bi ne minu dima bon nibresti mem nindigsi nya bi. Leu ba, je dima he mijibong ser.

YEREMIA 22:17

Noro na di Yoyakim ne ayai munti ter. Anggok tut ningat di bukum eisi mem nanti he. Ayai nimai bak yo di ingon ngun nya lene aba ambuk bico kep ade limwa nya cem.

YEHEZKIEL 18:12

ris ei yo di yuhui mbum nyati cem nggimang ndiyok igkei cem tug mun di bindo hanyen bak no di dahat mun nyeng hi leu noni bi cem ba, ug cem kep mpia di yo di ingon tindur nya ipigig ser mem ide kwar di mpiei bibor nya bikuk no bak,

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YEHEZKIEL 22:13

Noro nogindini diyok kep jide nipos mun cig nya kin nihwen nimbiam cig nya cem.

YEHEZKIEL 33:26

Jiba jingon com jide simeda bijiyai munti nya hagom mpiei bibor ba, jicut tut hiter nitnem cem kikau. Nggon rino jikan bigya dihyei dini ne jide dihyei ninda rom i?

YEHEZKIEL 45:9

tuhan Di Ninyeng Jei Bibor pai “Je di nibou ndig Israel e, jibon sisar bidem tu! Ma jikes hon jide nisibut biborti kin jide nico kep limwa nyati dima hak ug. Ma jibon mun di igbit kin mun di sren kei nya. Ma jijji Ditde limwa nya leu ide dihyei bu au. Da di tuhan Di Dinyeng Jei Bibor ditri tut dicukti dima bije.

YEHEZKIEL 46:18

Ma nibou ndig brim dihyei ninda rom poi mien cem leu nide limwa nya au. Nide dihyei he rima kwas tut nipmot bat nya leu binhyepo brim Ditde limwa nya ide dihyei ninda rom leu yok bi.”

YEHEZKIEL 8:17

Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!

AMOS 2:7

Ico kep yo di inghuisi jet kin yo di isindem bi birok yo di yuhui mbum ei itta. Nicig-nipmot yahacem ibimangkrei dinyeng di dia-diau kei tug hon gi igyem njita tut ide sop awak gom.

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 8:4

Je dino jico kep yo di yuhui mbum bijibindei ba, imai bingwig ei minu dini e, ma jingig jitingou mem dihyet!

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!

MIKHA 6:12

Timiei di inyeng bibor nya ei jide minu ndig ico kep yo di yuhui mbum nya. Jahagom jinok niris mun cig nya.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

TIMOTIUS GI NIGOM 6:10

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.