MIKHA 1:4 - ALLAH NIHYET MEM TUNGWATU NYA

⁴ Noni bindei ba, nungug nya jet bingwig noyam kin lilin di jet ei humti ei nimig jou. Nungug dima jet ba, kau dop kak bisunggung ug ei mbang briepti nya noyam kin minyei di biam leu mbigdip nya kikau ug ei nimig nya.

MIKHA 1:4 Iomraidhean Croise

MAZMUR 46:6

No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

MAZMUR 68:2

Allah kiju lene bindei ntek gimahap Nide siceu nya. Yo di ikinei sut Noni inang leu Noho bei.

MAZMUR 97:5

Nungug nya cem jet bidem lilin ngei ei tuhan di ninyeng tak kep dihyei nisurti-nipekti Noho bei.

AMOS 9:5

tuhan Di Ninyeng Jei Bibor ba, Sindem Bibor cem ngget dihyeisi dini bibindei ba, ugwa-kwei lene biyai ba, timiei dihyeisi dini yahagom ingon buhun bibor. Dihyeisi dini titut yam dwoi bisri hanyen noyam kin Minyei Nil di dwoi lene sri hanyen.

NAHUM 1:5

Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

HABAKUK 3:10

Tirigi nungug him nya ingat Na lene ingon digit ba, biget mbras kwei leu mpia-bbed him. Minyei ei dihyei jou nibimbi bong nindig bibor bitti bram yam bidwoi bibor.

HABAKUK 3:6

Gino akes hon ba, aya hak lene dihyeisi dini ugwa-kwei. Gino aba ayai nghuisi jik kep mben dihyeisi dini ne inghuisi mpig sut. Nungug him di jo habiei nimbie him ki bingwig ba, nungug tou di jo ninno tu di aya-ya nyen eisi ei nimbie him kimbas ba, sur yam kei.

ZAKHARIA 14:4

Njap dima dem ne Noni miya ei Nungug Zaitun dip ei minu ndig Yerusalem ei nite bei mpia nipriti. Leu api Nungug Zaitun nonti miki hacan binok briep ndig di nyan bibor di jo leu bei mpia nipriti buug ninno bipek kin nite bei mpia nicutti. Nungug dima nite hi mison ei nite bei mpia nijjai ba, nite hi bu mison ei nite bei mpia nibiho.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NIJAM NIKEI NYA 5:4

tuhan e, tirigi po akwei leu nungug him ei Seir ba, akes minu Edom bijo ei lene dihyei ugwa-kwei ba, dimbou ei mpia-bbed him kau apino mpia but nindig bibor cem tu.