MIKHA 1:2 - ALLAH NIHYET MEM TUNGWATU NYA

² Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

MIKHA 1:2 Iomraidhean Croise

NIBOU NDIG NYA GI NIGOM 22:28

Lene Mikha pai bak “Gino akwei hanyen ba, angwes ngun lene jo nibreisi bipia tuhan tri tut nihyet tug hon da bi! Je di jingat rin e, jahagom jintu kep duhui tut ba, jimiap dihyet ei jitingou nsi tu.”

NIBOHON MBEN ISRAEL GI NICAN 18:27

Lene Mikha pai binoni “Gino Na Di Andigpoi angwes ngun ba, angkwei hanyen lene jo nibreisi bipia tuhan nimbot kep tut mun di mipek kep ei nidipti bu tug hon da bi! Je di jingat rin ei sirini jahagom jintu kep duhui tut ba, jimiap dihyet ei jitingou nsi tu!”

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 24:1

Doia Daud. tuhan nyeng tut dihyeisi dini kin mun di joti nya bitut dihyei ninjek dip kin yo di ibong kep nya ba, inok Nide limwa nya.

MAZMUR 28:2

Amiap kep dihyet mpe dino dahara Nani mem gima ampu da ba, mpe dino disu dinda tug hon nadi ndam Ade Ig di kwes-kwau niyati cem.

MAZMUR 50:1

Doia Asaf. tuhan Allah Di Sindem Bibor mbrap ba, Noni hara bak tungwatu dihyeisi dini hagom leu mpia nipriti ug bipek mpia nicutti.

MAZMUR 50:12

Gino dinggum lene midahara jeni tut njita bi sren. Lewo dihyeisi dini hagom bitut mun di jo niti nya ne Ditde ri.

MAZMUR 50:7

Ditde limwa jen e, midimbrap ug ri. Ma jingig jitingou mem. Mben Israel e, midipai kep je. Dani ne Allah rin bidinok jide Allah.

NIPINGOK NINGONTI 8:4

“Je di jingon tungwatu e, ditri tut dihyet bije. Je di jingat rin ei dihyeisi dini e, dibidip huk je.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 18:3

Mei! Je di jibong ei dihyeisi dini jahagom e, ma jiyok jiyai kep kendera nya di siceu itas bidem nungug dip nya! Ma jingig jitingou mem pun mbrei di imiep a!

YESAYA 50:7

Mbro nok gino ighyet wer mpiahi tut da lo, midimmai sut danti bi lewo tuhan Allah mpu da. Midibindei ba, dingon nddong lewo dikan tut bipia ighyet ngwig kep da,

YEREMIA 22:29

Minu tde ug o, ma angig atingou mem mun di tuhan pai bije,

YEREMIA 29:23

tuhan bindei ba, mun di suwok bibor dima cut igkep yok drek dip ide sisar di nindig bibor di ibon ei minu Israel tu. Yoni icut tut hi nitnem lene iba tuhan ninyeng bitri tut mun di igbit bi nya cem. Ba, gima yok hagom srep tut tuhan ningon kanti. Noni kan tut sisar di ibon nya ba, mikiju nok no di tri tut igyai munti di Noni ngat bou niyai him bipai kep yok. Da di tuhan disimbot dat tu.”

YEREMIA 42:5

Lene ipai bida “Gino niyai mun ba, nibibit tuhan nicukti nya hagom di na di andigpoi apai sut binye bi lene tuhan di ningon sren biningon gom tut nye cem mingat gima yok hagom bou niyai him.

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

YUNUS 2:8

Yo di ikuk yok bak kwar di bon ninyeng bi nya yahagom ingon gom bu bi ba, ikes Na bihigom ei su.

HABAKUK 2:20

tuhan ningat rin ei Nide Ig di kwes-kwau. Ma tungwatu dihyeisi dini hagom ikimut yuhui ei Noho bei bimbrap au.

MALEAKHI 2:14

Jigom hig-hig nyen ser bipia nggon rino Noni kou sut mun di dibikuk da bak Noni i? Gima hagom nok lewo Noni ngat bou niyai him bipia apigau gi preu di apreu ei mem atnem di awak tirigi apilei yo pima. Mbro nok gino apreu ei mem atnem di ya kui na di nggre kin Allah de limwa nya lo, apigau noni.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

NINDAT KEP TUHAN NICUKTI NYA 32:1

“Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet.

NINGAT-HI-NGAT NYA 2:11

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Bikwop yo di ibindei cut sisar nisindemti migyai ninghuisi wei tug hon nimai gi nican bi sren.”

NINGAT-HI-NGAT NYA 2:17

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti nya bigyem kep manna di jo nding pima poi mien. Midiyai tig tiei bitut ninyeng nijep di joti bibikwop yo dima yahagom lo, ninyeng dima jo nibreisi mem nindigsi nya bi noro mem no di ma nide tig he.”

NINGAT-HI-NGAT NYA 2:29

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”

NINGAT-HI-NGAT NYA 3:13

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 3:22

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 3:6

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NIJAM NIKEI NYA 11:10

Lene ibuhup hanyen “Nice tut angon kanti dima. tuhan ngat gima bou niyai him tu.”