MIKHA 1:1 - ALLAH NIHYET MEM TUNGWATU NYA

¹ Nabi Mikha nitimieisi leu minu mien di ninyeng Moresyet. Tirigi Nibou Ndig Yotam kin Ahas kin Hizkia inyeng tak kep mben Yehuda bram-bram yam ne tuhan mbot kep tut ningon kanti bak Mikha tut mben Israel ide minu ndig pmem cin di Samaria kin Yerusalem.

MIKHA 1:1 Iomraidhean Croise

NIBOU NDIG NYA GI NICAN 15:32

Tirigi nibou ndig Pekah di Remalya nipmot ninyeng tak kep mben Israel mem nijam ari bingwam can tu lene Yotam di Uzia nipmot kui bigwam nok nibou ndig mem timiei Yehuda nya.

NIBOU NDIG NYA GI NICAN 15:5

Mpe di gom ne tuhan bindei ba, bras yem Uzia ningkek dip lene noni kei hanyen bi kikau ug bipek niyaijo ningwig honti. Ikes nonti njem bibong ter binongkom ei ig bei gom lene iggai ser biyai nide midyai hi bi. Gima rino nipmot Yotam ninyeng tak kep limwa nya nok nitom di hati tut noni.

NIBOU NDIG NYA GI NICAN 16:1

Tirigi Nibou Ndig Pekah di Remalya nipmot ninyeng tak kep mben Israel mem nijam ari bingwam simnaimuhwidip brimigtehican tu lene Ahas di Yotam nipmot kui bigwam nok nibou ndig mem timiei Yehuda nya.

NIBOU NDIG NYA GI NICAN 18:1

Tirigi Nibou Ndig Hosea di Ela nipmot ninyeng tak kep mben Israel ba, ug ei nijam ari bingwam gi ningai lene Hizkia di Ahas nipmot kui bigwam nok nibou ndig mem timiei Yehuda nya.

NIBOHON MBEN ISRAEL GI NICAN 28:1

Ahas kui bigwam nok nibou ndig ei mpe di po nide njap ug ei ari bingwam nyatungwagom. Lene ninyeng tak kep bidem ari bingwam simnaimuhwidip brimigtehigom ei minu ndig Yerusalem. Noni yai bram nidigai Nibou Ndig Daud niyai munti nya bi ba, noni bon mun di bipwoi tuhan ningon cem bi.

NIBOHON MBEN ISRAEL GI NICAN 29:1

Hizkia kui bigwam nok nibou ndig mem timiei Yehuda nya ei mpe dino nide njap ug ei ari bingwam nyatungwagom ba, muhwi. Ninyeng tak kep bidem ari bingwam nyatungwagom ba, muhwindatai ei minu ndig Yerusalem. Nipmem ninyeng rino Abia di Zakharia nipmisop.

YESAYA 1:1

Srat dini pai sut Allah ningon kanti mem timiei Yehuda kin timiei minu ndig Yerusalem nya di Noni mbot kep tut bak Yesaya di nicig ninyeng Amos tirigi nibou ndig Uzia kin Yotam kin Ahas kin Hizkia nya inyeng tak kep timiei Yehuda nya.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 7:1

Nibou Ndig Ahas nicig ninyeng Yotam ba, nignyon ninyeng Uzia. Mpe dino Ahas ninyeng tak kep timiei Yehuda nya lene Rezin di nibou ndig Siria kin Pekah di Remalya nipmot di nok nibou ndig mem minu Israel injei siceu kwei bikon pran bit timiei minu ndig Yerusalem nya. Noro bit bon ihwen yok bitimek kan bi.

YESAYA 7:9

Mben Israel ide nisindemti nindig dor njiriek minu ndig Samaria bi ba, minu ndig Samaria de nisindemti nindig dor njiriek Nibou Ndig Pekah bi. Gino aba angon titut bicom Da bi lene acut bak ade siceu nya.”

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

HOSEA 1:1

Srat dini tut nihyet di tuhan sok ei Hosea di nicig ninyeng Beeri dip ei mpe di Nibou Ndig Uzia kin Yotam kin Ahas kin Hizkia inyeng tak kep minu Yehuda bram yam ba, Nibou Ndig Yerobeam di Yoahas nipmot ninyeng tak kep Israel cem.

HOSEA 4:15

Mbro nok gino je di mben Israel jingon gom tut Da bi lo, diyok dingon mem gima mben Yehuda ibon sisar di noyam ba, ingon mui bi. Ma jikuk je biDa ei minu ndig Gilgal kin Betel au. Ma jeheng bitug hon Da di tuhan di niyaijo dinyeng ei minu ndig dima yok au.

HOSEA 8:14

Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.”

AMOS 1:1

Srat dini tut Amos di nitimieisi leu minu ndig Tekoa. Noni ne gembala di nyohou domba nya ba, noni cem nabi hi ri. Ari bingwam can nipou tirigi dihyei ugwa-kwei nindig bibor bigyo ba, Nibou Ndig Uzia ninyeng tak kep mben Yehuda lene Nibou Ndig Yerobeam di Yoahas nipmot ninyeng tak kep mben Israel leu api Allah mbot kep tut mun di mipek kep mem mben Israel hagom bak Amos.

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

MIKHA 1:5

Mun dini yok hagom micut igkep mben Israel drek dip sisar di ibon kikep kin ide naham nimbuk kep Allahti cem. Tou ribindei dino mben Israel ibon sisar i? Gima ne ide minu ndig pmem di Samaria rin bi e? Tou ribindei dino mben Yehuda ikuk yok bak kwar nya i? Gima ne ide minu ndig pmem di Yerusalem rin bi e?

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!

HABAKUK 1:1

Gini ne tuhan nihyet di Noni sok ei Nabi Habakuk dip ri.

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.