MAZMUR 127:1 - ALLAH NIHYET MEM TUNGWATU NYA

¹ Salomo de doia nikui ug ei Mbigdip Sion Gino tuhan win ig bi ne tukan di ingot nya iwin ig mikui-kausi. Gino tuhan ya srak ko hagau minu ndig bi ne tentara di igya ser minu ndig nya igya ser mikui-kausi.

MAZMUR 127:1 Iomraidhean Croise

NIBOU NDIG NYA GI NIGOM 5:12

tuhan yai igbit nipreu ei mem Daudti bibindei ba, Salomo ningon ki bibor. Hiram kin Salomo ingon kwes kin yam ba, yahacem ibuhup biyam tug hon gi ipreu mun biyam.

NIBOHON MBEN ISRAEL GI NIGOM 28:10

Ma ayok ngon kep mungkun kei bipia tuhan dimig nani pijum ei mem gima angot ig gom mem Noni. Gima rino nogindini ma ata abou eisi ba, angot kikau biput kep.”

NIBOHON MBEN ISRAEL GI NIGOM 28:20

Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

NIBOHON MBEN ISRAEL GI NIGOM 29:19

Abindei ba, dipmot Salomo miba ningon di joi bibor bita nibou ei midyai diniti bibit Ade nicukti nya hagom leu binhyepo ba nimbumbati di ditin ei su nya bingot Ig nibikuk no bak Nani eisi.”

MAZMUR 120:1

Doia nikui ug ei Mbigdip Sionti. Tirigi dingon buhun bibor ne dahara tuhan leu api Noni buhup dihyet.

MAZMUR 121:1

Doia nikui ug ei Mbigdip Sionti. Dicap ser nungug him nya bidingat no di mpu da mikwei leu hantou i?

MAZMUR 122:1

Daud de doia nikui ug ei Mbigdip Sionti. Dingon llei nindig bibor tirigi tungwatu nya icuk da bipai “Jikwei ba, icoi ug ei tuhan De Ig!”

MAZMUR 123:1

Doia nikui ug ei Mbigdip Sion. tuhan di ninyeng tak kep gwamti e, ditou kep kui gwamti ndam Nani.

MAZMUR 124:1

Daud de doia nikui ug ei Mbigdip Sion. Gino tuhan tti kin nye bi ne notou mem nye i? Je di mben Israel e, ma jibuhup,

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 126:1

Doia nikui ug ei Mbigdip Sion. Tirigi tuhan kinding minu ndig Yerusalem hanyen pima lene gima dem kep nok mumpriem di nyeni imumpriem!

MAZMUR 72:1

Doia Salomo. Allah e, ma angginau nibou ndig tut Ade nikos tutti nya. Akwas angon sren-srausi ndrim hi tut nibou ndig nipmot,

MAZMUR 78:69

Noni ngot Nide Ig di noyam kin nitimieisi di ngot ei gwamti. Noni bindei ba, bit bon ig dima tti hanyen kan bi ba, noyam kin dihyeisi dini di ngkiem kei bijo ninno-bijo kikau.

NIPINGOK NINGONTI 16:9

Nyeni itin ei ingon kanti nya noro Allah kos tut puig di kei mem nye.

NIBA NINGON SRIP HUKTI 9:11

Dingat hi kin bu bou diyai him ei dihyeisi dini. Ibinang yam ne mpe hi no di dor sindem ug krau nipekti bibie bi. Ikon pran ne mpe hi no di mimbri kui ningkek bindei sar nide siceu bi. Mpe hi no di ningon ki tug ndei mun di bahati tut nonti bi. Mpe hi no di nintin kimbo nyeng tut mitiei nindig bibor bi. Mpe hi no di ninda bit hou tug ndei ninyeng di jei bi. Lewo mpe hi ne mun di buhun cut igkep tungwatu nya yahagom.

DIUN MIMUN 3:3

Leu api niya ser minu ndig mem mmun cig nya itau kep sa bisihig ser yok “Apo jingat no di dingon kieti e?”

DIUN MIMUN 5:7

Leu api niya ser minu ndig mem mmun cig nya itau kep da bibui da bidibok cem. Ibrim sre ndan de di dibisrou dinghat sin dati.

YESAYA 27:3

Da di tuhan rino no di ya ser ba anggur nghousi dima bidiprok bikwop nituti hagom. Diya ser bikwop mmun njap leu binhyepo hi bindei ba, kinei bi.

YESAYA 56:10

Noni pai “Nibou di ibie tut Ditde limwa nya ne nibou di igyai tu nya ri! Igikan tut mun nyeng hi bi cem. Idem kep nsien di bbwe di tai mun hi bi di bong he bimumpriem. Nibou dima yok ijoi sut gima ibong mai he!

YESAYA 62:6

Dikes yo di igya ser minu ndig Yerusalem ei ngug tig nidip. Ba, bikwop mmun-njap dimo igigwam nyahan bi. Noro suar iwin kep Allah ningonti tut Nide nipreu ei mem yoti.

YEREMIA 51:12

Jiyai bindo di bitto mem gima jicoi bijihwen minu Babel de ngug tig nya. Lene ma jibindei sindem yo di igya dikti nya bijikes yo di igya ser nya bigya ngkiem ser. Jikes tentara di ikos dik ser minu ndig dima!” tuhan bindei ba, ningon kanti di tin ei mem minu Babel pek kep tu.

YEREMIA 51:31

Yo di itri tut mun di buhun dima idor bram yam bipai nibimbiti bak nibou ndig minu Babel bipia siceu icoi bihwen minu ndig leu nima kwei-nima kwei bidem hagom tu.

KORINTUS GI NIGOM 15:14

Gino Allah win Kristus hanyen leu nimai eisi bi lene jo nibreisi bipia nihyet tut Kristus di nitri tut bije kin jide niba ningon com Kristusti hacem bon ninyeng bi.

KORINTUS GI NIGOM 3:7

Nye di nindim ningan kin gi niprok nikioi ne nibon ninyeng bi noro Allah bon ninyeng lewo Noni rino bindei di nikioi hei bijei.

GALATIA 4:11

Dikrau dingon tut je. Midyai di diyai ei jikieti pima hagom mikui-kausi e?

NINDAT KEP TUHAN NICUKTI NYA 8:18

Ma jiyok ngon kep bipia tuhan di nok jide Allah yai nisindemti bije leu binhyepo jinyeng tut ndigban. Noni yai nok lewo ningon gom tut mun po Noni preu ei mem jidigup bat-jidigai bat nya pima.

YOSUA 2:2

Noro hi mbot kep tut yo cin dima ikweisi bak nibou ndig Yerikho bipia mben Israel ibou can imbris nyahan kwei mem mmun ba, igyok itta kep minu dima tu.