LUKAS 9:41 - ALLAH NIHYET MEM TUNGWATU NYA

⁴¹ Yesus buhup “Mei! Jiba jingon com Da haigtu bi ba, jingon tindak e? Diya tut je njap pig bu i? Doom dingon tut je njap pig bu i? Ausap apmot kwei biDa.”

LUKAS 9:41 Iomraidhean Croise

NIBOU NDIG NYA GI NICAN 5:8

Tirigi munhyet dini tibim ei Nabi Elisa nitingou nsi lene noni sok nihyet bak nibou ndig bipai binoni “Nggon rino na di Andigpoi angon buhun bibor i? Ma acuk no dima kwei ngat da leu api midindo brei binoni bipia nabi gom no rinaha ei minu Israel.”

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

NEHEI LEUSI 10:3

Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.

NEHEI LEUSI 16:28

Gima rino tuhan hig ser Musa “Yo dima ingkek ndok tut Ditde nicukti mem njap pig bu i?

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

MBEN ISRAEL IMBUT-MBUT NYEN 14:11

Lene tuhan hig ser Musa “Yo dini misrep tut Da kikau apig bu i? Mbro nok gino dindo bindo kin mun di mindur mang bibor ei ikieti tu lo, iba ingon com Da bi kikau apig bu i?

MBEN ISRAEL IMBUT-MBUT NYEN 14:27

“Yo di imbuk dini minso-nso nyen tut Da mem nijam pig bu i? Cobi! Dimiap mun di inso-nso nyen tut dima hagom tu.

MATIUS 11:28

Je di jinghuisi jet kin je di jibiang mun di buhun e, ma jikwei hara Da leu api midiyai jingon nggan hanyen.

MATIUS 12:39

Yesus buhup “Ei nijam dini ne tungwatu nya ingon rom ba, ingkek ndok cem! Jahara Da tut mindur e? Dibon mindur bou jiyai him bi. Mbro nok gima lo, Allah mindo bindo mem je bit leu nok bindo di tug hon Nabi Yunus.

MATIUS 12:45

Gima rino ninnei rom dima ug buwak nisut ninnei rom di ikinei bibor dor njiriek noni ibou muhwindacan bu ba, icoi ug ei no dima ningonti apino nide niyaijoti kinei bibor dor njiriek gi nipou bu. Mun dini micut igkep yo di isibut nya di ingat rin ei nijam dini.”

MATIUS 16:4

“Ei nijam dini ne tungwatu nya ingon rom bingkek ndok bibor cem. Jahara Da tut mindur e? Midibon mindur hi ter di ter leu mindur di Nabi Yunus bibon mem je bi.” Yesus pai biyok nok leu api kes yok bimbut leu yok.

MATIUS 17:17

Yesus buhup “Mei! Jiba jingon com Da haigtu bi ba, jingon tindak e? Suar diya tut je ba, doom dingon tut je njap pig bu i? Ausap apmot kwei biDa!”

MATIUS 23:36

Ma jiyok ngon kep bipia tungwatu nya nijam dini itug ndei hukum drek dip yo dima yahagom imaisi!”

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

MARKUS 10:14

Tirigi Yesus ngig niyai kep yok lene wok yo di igya kui Noni bipai biyok “Jisindui sut munggwom dima yok bikwei ndam Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.

MARKUS 10:49

Gima rino Yesus ya niyati bipai bak tungwatu nya “Jihig noni kwei.” Leu api ipai bak no di niyai tu “Dwai, akiju kwei lewo Yesus hig na tu.”

MARKUS 9:19

Lene Yesus buhup “Mei! Jo nibreisi bipia jiba jingon com Da bi! Diya tut je njap pig bu i? Doom dingon tut je njap pig bu i? Juusap noni kwei biDa!”

LUKAS 8:25

Lene Noni hig ser yok “Nggon rino jiba jingon com Da haigtu bi i?” Leu api yoni inghuisi mpig sut binggap leu tut lene ihig yam “Tou rin i? Lewo Noni bindei ba, hou kin minyei ntus bit nihyet.”

LUKAS 9:40

Dahara yo di igya kui Na leu binhyepo ijji ninnei rom dima leu ningonti noro bit bon igyai kan bi.”

LUKAS 9:42

Tirigi mot dima mbut ndam Yesus lene ninnei rom dahat kukwei noni binjei noni ug ei dihyeisi. Noro Yesus cuk ninnei rom dima ba, hei leu mot dima lene noni kei hanyen leu api Yesus kes noni bak nicigya.

YOHANES 14:9

Noro Yesus buhup “Filipus e, digwam bit je ninno tu noro akan igbit tut Da bigyo e? No di ngat igbit Da ngat igbit Dicig cem tu. Nggon rino ahara Da mem dindo Dicig brei bije i?

YOHANES 20:27

Leu api Yesus pai bak Tomas “Angat dinda ba, ayok anda pijum eisi lene asu anda ei dikimbu nimuhweisi cemti. Ma ahig angon eisi bu au noro ma angon jo kep!”

KISAH 13:18

Noni om ningon tut yok drek dip igyai munti nya kikau mem ari bingwam ningot bitai ei iggum ndigsi.

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

NINDAT KEP TUHAN NICUKTI NYA 32:5

Noro jingon gom tut Noni ba, dem mem Noni hig je nok Nide limwa nya bi. Lewo jinok mben di ibon sisar di kinei bibor ba, iris mun cem.

IBRANI 3:19

Jo nibreisi bipia bit bon icoi ug ei mpia dima bi drek dip ingkek di ndok kin gi igiba ingon com Allah cem bi ri.

IBRANI 4:11

Gima rino suar ibrim ingkek mem gima igyai nibong kep ninghuisi di Allah preu ei mem nye dima leu binhyepo jigom krau tunggwei puig noyam kin yo di itunggwei drek dip ide ningkek ndokti di iba ingon com Allah bi dima bi.

IBRANI 4:2

Lewo imiap Nihyet Di Kei bit leu nok gi yoni cem imiap. Noro nihyet di tibim ei itingou nsi bon ninyeng mem yok bi lewo ingon jo kep Allah De nipreu ei mem yokti bi.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.