LUKAS 9:2 - ALLAH NIHYET MEM TUNGWATU NYA

² Lene Noni pinak yok biyuug bindei yo di inggwen nya bikei hanyen. Lene itri tut Allah ninyeng tak kepti.

LUKAS 9:2 Iomraidhean Croise

MATIUS 10:5

Lene Yesus cuk ibou simnaibrimigcan dima bisok kep yok “Jimbut bijuug ei ngkiai nya kin timiei Samaria nya ide minu ndig au.

MATIUS 13:19

Njita ngan di cut ug ei puigsi bindo tut yo di intu kep nihyet tut Allah Ninyeng Tak Kepti noro imiap ba, ingon dorti bi. Apino Bilis kwei pos nihyet di cut ug ei ingonti.

MATIUS 24:14

Lene tungwatu nya mitri tut Nihyet Di Kei tut Allah Ninyeng Tak Kepti bidem dihyei nisurti-nipekti leu binhyepo tungwatu nya yahagom imiap tut nihyet nipou ug e leu api ningwig honti mitau kep je.”

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MARKUS 16:15

Lene Noni cuk yok “Ma jimbut bijuug ei dihyei nisurti-nipekti ba, jitri tut Allah Nihyet Di Kei bak tungwatu nya yahagom.

MARKUS 6:12

Gima rino yo di igya kui Yesus intek gimahap biyuug tri tut nihyet leu binhyepo tungwatu nya ittin ser ide sisar ba, ikiek ndam Allah.

LUKAS 10:1

Mpe hi bu lene Yesus dimig yo di ibit Noni ibou ningot muhwindacan bu leu api cuk ibou can ibou can lene nok ba, yuug ya bibie bidem minu ndig di Noni tin ei mem gima ug cem kep nya.

LUKAS 10:11

‘Nikit nimig tut jide dihyei ndung di rap nimig jou leu nok mun di bindo di biki jingon. Noro ma jiyok ngon kep bipia Allah ninyeng tak kepti dideu kwei ei jikieti tu!’

LUKAS 10:9

Ma jibindei ba, yo di inggwen ei minu ndig dima ikei hanyen lene ma jitri tut biyok ‘Allah ninyeng tak kepti dideu kwei ei jikieti tu.’

LUKAS 16:16

Allah niggai serti di tug hon Musa kin nabi nya ipas kepti mbut kikau kwei bipek nijam di Yohanes di tur tungwatu nya ei minyeiti ningat ri. Hon kep nijam dima kwei lene tungwatu nya itri tut Nihyet Di Kei tut Allah ninyeng tak kepti. Lene yo di ibungwam mem gima icoi nya yahagom itug hon.

LUKAS 9:11

Tirigi tungwatu ningot ndig ikan tut Yesus nimbutti lene ijop bram. Yesus pigo yok bitri tut Allah ninyeng tak kepti biyok lene bindei ba, yo di inggwen ikei hanyen.