LUKAS 9:11 - ALLAH NIHYET MEM TUNGWATU NYA

¹¹ Tirigi tungwatu ningot ndig ikan tut Yesus nimbutti lene ijop bram. Yesus pigo yok bitri tut Allah ninyeng tak kepti biyok lene bindei ba, yo di inggwen ikei hanyen.

LUKAS 9:11 Iomraidhean Croise

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

MATIUS 12:15

Tirigi Yesus kan tut gi yuhum yam nsi dima tu lene Noni ug leu mpia ttou nsi dima lo, tungwatu nya ningot ndig ijop bram. Leu api Noni bindei ba, yo di inggwen yahagom ikei hanyen.

MATIUS 14:14

Tirigi Yesus kinyon ei igpong nintig dip lene ngat tungwatu ningot ndig di idem yam ei dima lene ngondut yok lene bindei ba, yo di inggwen ikei hanyen.

MATIUS 21:31

Gima rino jindo igbit gi tou riyai igbit nicig nicuk noti i?” Lene imam ndig nya kin nibou mben Yahudi nya ibuhup “Nipmot mighumbou a.” Gima rino Yesus sok kep yok “Ma jiyok ngon kep bipia yo di igya tindei belasten bigyem jimuhup kin sop sundal nya micoi bit Allah Ninyeng Tak Kepti njiriek je.

MATIUS 21:43

“Gima rino ma jiyok ngon kep bipia Allah mitug Nide Ninyeng Tak Kepti leu je leu api mikes bak yo di ningat di kei ntun yok him. [

LUKAS 1:53

Noni kwas njita di kei-kau tut yo di yuhui mbum nya bindei yok noro mbres yo di inyeng tut ndigban ba, imbut kin yehei he.

LUKAS 5:31

Lene Yesus buhup “Yo di ikei nya yuug ngat yo di inda kan nya bi noro yo di inggwen yuug ngat yok.

LUKAS 8:1

Njap poi kin bu lene Yesus mbut nimig bidem minu ndig nya kin minu mien nya hagom bitri tut Nihyet Di Kei tut Allah ninyeng tak kepti. Ibou simnaibrimigcan di igya kui Noni ibit-bit nyen.

LUKAS 8:10

Noni buhup “Allah mbot kep mimun tut ninyeng tak kepti bije noro mbot kep mimun dima bak nindigsi tug hon nihyet nibiti nindati he. Leu binhyepo mbro nok gino imian ser lo, ingat bi ba, mbro nok gino ingig itingou mem nihyet lo, imiap bi.”

LUKAS 9:10

Yo di igya kui Yesus ingkwei hanyen bipui sut mun di ibibon hagom bak Noni. Noni buwak yok biyuug ei minu ndig Betsaida biyongkom.

LUKAS 9:12

Mpia jinjui su lene yo di igya kui Noni ikwei pai bak “Ma akes yo dini bingkwei hanyen ba, inggok njita di igyem kin ig di ibongti ei minu mien di gahai dini kou lewo mpia dini ne ha ngunti ri.”

LUKAS 9:2

Lene Noni pinak yok biyuug bindei yo di inggwen nya bikei hanyen. Lene itri tut Allah ninyeng tak kepti.

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

KISAH 28:31

brim ningkek kep yo dima tirigi noni tri tut nihyet tut Allah Ninyeng Tak Kepti ba, ngginau yok tut Tuhan Yesus Kristus cem. Tirigi noni yai kep midyai dima lene kwes mem noni ba, hi cuon ser noni tut bi.

ROMA 10:14

Noro notou tungwatu yahara Noni gino ingon jo kep Noni bi i? Notou ingon jo kep Noni gino imiap nihyet tut Noni bi i? Notou imiap nihyet tut Tuhan gino hi tri tut nihyet biyok bi i?

ROMA 10:17

Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

ROMA 15:3

Lewo Kristus ta nibou ei mun di bindei ba, Nonti ningon kei bibor bi. Noro Allah Nihyet pai “Tungwatu nya ighyet tigut Na noro ningat ne ighyet tigut Dani bu.”

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.