LUKAS 8:18 - ALLAH NIHYET MEM TUNGWATU NYA

¹⁸ Gima rino ma jiyok ngon kep mun di tibim ei jitingou nsi. Lewo Allah mikum eisi bak no di nyohou mun di jo binoni noro Noni mitug niken hanyen leu no di nyeng tut mun nyeng hi bi.”

LUKAS 8:18 Iomraidhean Croise

NIPINGOK NINGONTI 14:12

Puig di tungwatu nya ingat ba, ikan bigya puig dima ne pui di sren kei rin lo, puig dima ne pui di ug ei nimai nya ikieti ri.

MATIUS 13:12

Lewo Allah mikum eisi bak no di ningon dorti apino no dima ningon dorti dor njiriek bu. Noro Noni mitug niken hanyen leu no di ningon dorti bi.

MATIUS 25:29

Lewo midikum eisi bak no di nyohou mun di jo binoni apino noni nyeng tut mang bibor. Noro midipos niken hanyen leu no di nyeng tut mun nyeng hi bi.

MARKUS 13:14

“Mijingat Nisibutti Di Bindei Map Kui Tuhan De Ig ya ei ninsi di kwes-kwau (ma no di kwop srat bokti dini yok ngon kep ningginausi!) Mpe dima lene suar yo di ibong ei hanjop Yudea inang ug ei cet him.

LUKAS 19:26

Nibou ndig dima pai biyok ‘Ma jiyok ngon kep bipia midikum eisi bak no di nyohou mun di jo binoni noro miditug niken hanyen leu no di nyeng tut mun nyeng hi bi.

LUKAS 9:44

“Ma jiyok ngon kep dihyet dini lene ma jingon prion ser au! Lewo tungwatu nya mikes Munggwom Tungwatu Nipmot ei yo di isindem nya indati.”

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

KORINTUS GI NIGOM 14:37

Gino jigom kan bipia noni yai nisindemti mem nitri tut Allah nihyet ba, Allah Ninnei yai nisindemti hi kin bu binoni cem lene ma noni yok ngon kep bipia mun di dipas kep tut bije dini ne Tuhan de nicukti ri.

KORINTUS GI NIGOM 3:18

Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

KORINTUS GI NIGOM 8:2

No di bisrip tut nonti bipia kan bidem ne ningon ki haigtu bigyo.

FILIPI 3:4

Ningat ne bon diba dingon com midut di nok gima. Gino hi kan bipia bon noni ba ningon com midut neet ningkek dipti ne dani cem diba dingon com midut dima dor njiriek bu.

IBRANI 2:1

Gima rino suar ikrau kep nihyet di nijit-jau di imiap tu leu binhyepo ingkwei leu ba, israwir au.