LUKAS 8:13 - ALLAH NIHYET MEM TUNGWATU NYA

¹³ Njita ngan di cut ug ei tigsi bindo tut yo di intu kep nihyet lene iba ingon di kei bingon jo kep. Noro nihyet com nigau ei ingonti kan bi. Mbro nok gino ingon jo kep nihyet lo, Bilis kwei bingon yok lene yoni ingkwei hanyen hak ug.

LUKAS 8:13 Iomraidhean Croise

AYUB 19:28

jihwen bit da bijinjei kep da. Jinggok ser mun di jisu tindei mem gima jihwen da drek dip.

NIPINGOK NINGONTI 12:12

No di sibut ningon pri kep mun di yo di imbuk bibor nya inyeng tut. No di ningon kwes kei dem kep biei di ngat ningat di kei.

NIPINGOK NINGONTI 12:3

Bit bon hi ya ngkiem tug hon nide mun di kinei di yai nya kan bi. Noro no di ningon sren miya ngkiem kei lene bingmai kan bi.

YESAYA 58:2

Ikuk yok biDa bikwop njap ba, ingon bisau sut dingon kanti nya tereu nok igyai mun di igbit ba, ingon gom tut dicuk yokti nya cem. Ipai ei yuhui him bipia illei sut gi ikuk yok biDa ba, ijoi sut gi ditri tut dicukti nya biyok.”

YEHEZKIEL 33:32

Ibibon na noyam kin no di pai doia bikiek yo di impig bou keyam kin no di kek nggong mbrei he. Intu kep ahyet hagom noro ibit bi sren.

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

MARKUS 6:20

lewo noni nyohou Yohanes ei ig bui nsi bidigit tut noni. Herodes kan bipia Yohanes ningon sren cem ningon kwes kin Allah cem. Noni joi sut ngig nitingou mem Yohanes nihyet lo, ningon ku nonti nindig bibor drek dip.

LUKAS 8:12

Njita ngan di cut ug ei puigsi bindo tut yo di intu kep nihyet. Noro tirigi intu kep nihyet lene Bilis kwei pos nihyet di cut ei ingonti leu binhyepo ingon jo kep ba, igyai gi teu leu ide sisar kin niyaijo nijep bi.

LUKAS 8:14

Njita ngan di cut ug ei bohousi bindo tut yo di imiap nihyet noro ingon ku yonti tut mun di pror yon lene iba yoho rok mitiei nindig bibor kin ndigban di ingat ingwes eisi cem apino gima yok hagom ceu nihyet leu api ningat ntun him bi.

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 15:6

No di nyohou miai ba anggur nghousi misriot no di com nigau ninghig-niker ei Dati bi noyam kin gi noni sriot biei nda leu apino mui. Noni mimbus ninda dima hagom keyam bindig kep huma.

YOHANES 5:35

Yohanes dima ne mini njeng di piga digai puig mem je rin lo, jijoi sut noni mem njap poi he.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

KORINTUS GI NIGOM 15:2

Gino jikrau kep Nihyet Di Kei di ditri tut bije lene nihyet dima bindei ba, jiyai niteu leu sisarti kin niyaijo nijep. Gi bi ne jingon jo kep nihyet dima mikui-kausi.

GALATIA 3:1

Je di timiei hanjop Galatia e, jingon mbum yo! Tou rino kiek jingon i? Dindo Yesus Kristus nimai ei biei salibti brei bije tu!

GALATIA 3:4

Mun di pek kep mem je dima mikui-kausi e? Bit bon mun dima pek kep mem je mikui-kausi kan bi!

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 2:7

Ma jicom jigau kikau ug ei Noniti. Ma jingot jide niyaijo tereu nok jingot ig ei Kristus di nok nikiou di nddong keiti. Ma jikum ei jide niba ningon com Kristusti bit leu nok jide nibou ngginau je tut tu. Ma jinggok biken tirigi jipai sigyo.

TESALONIKA GI NIGOM 3:5

Leu api gi mbun doom kep dingonti bu kan bi. Gima rino dipinak Timotius hwou ngat je leu binhyepo ngig niyai kep jide niba ningon com Yesus Kristusti. Lewo dikrau dingon tut je gino jicut bak Bilis lene gima bindei ba, nicom nahanggwap tut je mikui-kausi e?

TIMOTIUS GI NIGOM 1:19

Ma anyohou ade niba ningon com Kristusti kin ade ningon mien kanti leu binhyepo hacem kwes kei. Ibou poi ingkek ndok tut ingon mien kanti apino inok kibar di tug bor bisrawir.

IBRANI 10:39

Ibicom yam bit yo di ingkwei hanyen di israwir nya bi. Noro iba ingon com Allah apino igyai niteu leu sisarti kin niyaijo nijep.

YAKOBUS 2:26

Gima rino gino ninnei kimbas ne ningut mai su. Bingon leu nok gino tungwagom yai niyai munti nya hi bi lene nide niba ningon comti cem mai su.

PETRUS GI NICAN 2:20

Gino tungwatu nya ingwes ngun leu mun di kinei di srou yok ei dihyeisi dini tug hon gi ingon dorti tut ide Tuhan Yesus Kristus di teu nye leu sisar biyai niyaijo nijep binye ningon kanti lo, ingkwei kep mun di kinei di srou yok dima hanyen bu lene puig di ikak ei niabiati kinei bibor dor njiriek puig di ikak ei nibieti.

PETRUS GI NICAN 2:22

Mun di pek kep mem yok dem igbit leu nok srat Amsal nipas kepti “Nsien ngkwei biyem kep ninjim hanyen.” Lene nok gi ipas bu “Na di tungwatu nya ipiap ei minyeiti bipwoi kei nya ingkwei bitoi igtui hanyen.”

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

YUDAS 1:12

Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.