LUKAS 7:9 - ALLAH NIHYET MEM TUNGWATU NYA

⁹ Yesus miap nihyet dima lene nggap leu tut leu api kiek No bipai bak tungwatu ningot ndig di ijop bram Noni “Mbenjen! Dipai bije bipia duum limwa Israel gom di ba ningon com Da nindig bibor noyam kin no dini hi bigyo sren!”

LUKAS 7:9 Iomraidhean Croise

MATIUS 15:28

Lene Yesus buhup “He dipmisop ndia ug o, aba angon com Da nindig bibor! Gima rino midibirop bina bit leu ahara Dati!” Tirigi Yesus pai bak nok rino nipmisop kei hanyen.

MATIUS 8:10

Tirigi Yesus miap nihyet lene nggap leu tut nindig bibor bitri tut bak yo di ijop bram Noni “Mbenjen! Duum limwa Israel gom di ba ningon com Da noyam kin no dini hi bi sren.

MATIUS 9:33

Tirigi Yesus jji ninnei rom leu ningonti lene noni mbrap kan. Tungwatu nya yahagom inggap leu tut nindig bibor bipai biyam “Mbenjen! Ingat mindur hi nok gini ei minu Israel bi sren!”

LUKAS 7:10

Tirigi yo dima ingkwei hanyen ug ei ig bei lene ingat lo, awak dima kei hanyen tu.

LUKAS 7:50

Noro Yesus pai bak sop dima “Ayai niteu leu sisar kin niyaijo nijep tug hon ade niba ningon com Dati tu. Aba angon di nggan-triot bingkwei hanyen hak ug!”

LUKAS 7:8

Lewo nibou ndig tentara ninyeng tak kep da lene dani cem dinyeng tak kep ditde limwa nya bikuk yok bida. Gino dicuk hi ‘Aug hak!’ Leu api noni bisau buug hak. Gino dihig hi ‘Akwei!’ Leu api noni bisau bikwei hak. Gino dicuk awak hi ‘Ayai midyai dini!’ Leu api noni bisau biyai hak.”