LUKAS 7:6 - ALLAH NIHYET MEM TUNGWATU NYA

⁶ Gima rino Yesus ce tut bibit yok. Tirigi Noni ug ei puig sinon lene nibou tentara sok nihyet ei nisut bat nya ibou pwoi dip bak Yesus bipai biNoni “Andigpoi e, ma abou ngwak sibui sut gima akwei bit leu disokti pima au. Dani ne dem tut gima dicigit Na kui ditde ig bi.

LUKAS 7:6 Iomraidhean Croise

NITRITI 32:10

Dani ne dem mem gima angondut da ba, angon gom tut da rin bi. Dinok awak mem Nani he. Tirigi po disigon Yordan pima lene dittei ditde tom he. Noro njap di ammani lene dikwei hanyen tut ditde limwa nya nimpung can.

NIPINGOK NINGONTI 29:23

Yo di illei-lau micut noro tungwatu nya mikon no di ba nibou coi mem yok ninyeng.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MARKUS 5:24

Tirigi Yesus ningat rima ndam Yairus de ig lene tungwatu ningot ndig inggreu ser nimbutti.

LUKAS 5:8

Tirigi Simon ngat mindur dini bou niyai him rino kuk no ei Yesus nimig him bipai biNoni “Andigpoi e, ma akes da hak ei lewo dani ne no di bon sisar ri!”

LUKAS 7:4

Tirigi ikwei ngat Yesus lene yahara Noni “Andigpoi e, ma abindei ba, nibou tentara de awak kei hanyen hak ug lewo dem mem gima ampu noni,

LUKAS 7:5

lewo ningon ngakei nye di mben Yahudi bingot ig mbusyamei hi mem nye tu.”

LUKAS 7:7

Apino dibrim dingkek kep Na bidihwou ngat Na bi a. Gima rino ma apai ei ahyet him hak apino ditde awak mikei hanyen.

LUKAS 8:49

Tirigi Yesus mbrap bit noni lene awak hi kwei leu Yairus de ig bipai binoni “Apmisop ninnei pas tu. Gima rino abindin Guru bu au.”

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

YAKOBUS 4:10

Suar jiba jibou coi mem Allah leu api Noni mikon jinyeng.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”