LUKAS 7:34 - ALLAH NIHYET MEM TUNGWATU NYA

³⁴ Tirigi Munggwom Tungwatu Nipmot ttau kwei lene Noni yem njita bidut ndia ngei cem noro jisrep bijipai ‘Jingat i! Yesus ninghop bou bidut ba anggur ngei nindig bibor cem ba, hig nisut bit yo di igya tindei belasten bigyem tungwatu nya imuhup kin yo di ibon sisar nindigsi nya.’

LUKAS 7:34 Iomraidhean Croise

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 5:46

Leu gino jingon ngakei yo di ingon ngakei je he lene mijitug ndei nibiropti di notou leu Allah i? Lewo yo di igya tindei belasten bigyem jimuhup cem igyai nok gima.

MATIUS 9:11

Farisi nya ingat yo dima leu api ihig ser yo di igya kui Yesus “Nggon rino jide guru yem njita bit yo di igya tindei belasten di igyem tungwatu nya imuhup kin yo di ibon sisar nindigsi nya i?”

LUKAS 11:37

Tirigi Yesus kes nihyet hon tu lene Farisi gom buwak Yesus kwei mem gima yem njita bit noni. Gima rino Yesus ug ei nide ig bigwam kui meja.

LUKAS 14:1

Ei Njap Nigwam Kep Ninghuisi gom lene Yesus ug yem njita bit nibou Farisi gom lene tungwatu nya itou kep Noni nggilun.

LUKAS 15:2

Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!”

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 5:29

Mpe dima lene noni bon pesta nindig bibor ei nide ig mem Yesus ba, yo di igya tindei belasten bigyem tungwatu nya imuhup nindigsi nya kin yo di hiter imang bibor induk yam kwei ba, igwam bit Yesus bigyem njita.

LUKAS 7:33

Yohanes ttau kwei lene noni yem njita bi mem nituti poi bidut ba anggur ngei bi sren noro jisrep bijipai ‘Ninnei rom ya ningonti!’

LUKAS 7:35

Mbro nok gima lo, yo di yahagom di igyai Allah nikan bidemti indo bindo tut Allah ningon kiti.”

LUKAS 7:36

Farisi gom di ninyeng Simon hig Yesus kwei yem njita bit noni. Gima rino Yesus coi ug ei nide ig bigwam kui meja biyem njita.

YOHANES 12:2

Yo dima ingei njita mem Yesus nikweisi. Marta hati tut yok bitri njita tut yok. Lazarus cem gwam bit yo di igwam kui meja bigyem njita bit Yesus.

YOHANES 2:2

Nibou pesta sok nihyet mem Yesus kin yo di igya kui Noni cem bikwei ei pestati dima.