LUKAS 6:8 - ALLAH NIHYET MEM TUNGWATU NYA

⁸ Noro Yesus kan tut ingon kanti nya leu api pai bak no di ninda mai “Akiju kwei ba, aya ei yahagom yoho bei!” No dima kiju biya ei yahagom yoho bei.

LUKAS 6:8 Iomraidhean Croise

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

MAZMUR 44:21

Gino nikuk nye bak Allah bu bi biningat nadi bak kwar nya,

YESAYA 42:4

Nibou buwei ba, ningon micut leu bi bibou ningon sren-srausi kieng kep dihyeisi dini hagom ba, yo di minu ting nya igyok ingon mem ningginau yokti nya.”

MATIUS 9:4

Noro Yesus kan tut ingon kanti leu api hig singgre yok “Jikan-kan nyen mun di mbuk ei jingonti leu binggon i?

MARKUS 3:3

Yesus pai bak no di ninda nite hi mai “Akiju kwei ba, aya ei yahagom yoho bei.”

LUKAS 13:12

Tirigi Yesus ngat noni lene ba nihyet nindig bipai bak “Sindig e, ninggwenti di hwen na dima kes hon tu!”

LUKAS 5:22

Yesus kan tut ingon kanti leu api hig singgre yok “Jikan-kan nyen ei jingonti leu binggon i?

LUKAS 6:9

Lene Yesus hig singgre yo di idem yam ei dima “Puig Yahudi nicukti sindui sut mem gima igyai mindei mem Njap Nigwam Kep Ninghuisi i? Impu yam e, he imbuk tut yam e? Inyohou yam e, he ihwen yam e?”

YOHANES 2:25

Noni suar tungwa hi bipai sut tungwatu nya ingonti biNoni bi lewo Nonti kan bidem tut mun di jo ei yahagom ingonti.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 9:4

Tirigi njap jei yo ne suar nyeni igyai midyai di Allah di cuk Da kwei pima Nide nya. Jei bi ne mmun nggai nye ri. Mpe dima lene bit bon hi yai midyai bu kan bi.

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 26:26

Na di Nibou Ndig Agripa akan tut mun dini yok hagom tu. Gima rino dibrim dingkek kep na lewo dikan tut bipia nihyet di ditri tut dima hagom jo nibreisi mem na di Nibou Ndig. Mun di ditri tut dima hagom pek kep ei nidinditi bi.

FILIPI 1:28

Ma jingwes mien tut yo di ihwen bit je au noro ma jibrim jingkek. Tug hon nisinati dima ne mijo nibreisi mem yok bipia icut bak jeni ba, Allah misindem tut je leu binhyepo jibindei cut yok cem.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

PETRUS GI NIGOM 4:1

Kristus yai ninghuisi di wei nok tungwatu lene ma jeni cem jiba Kristus nikos tutti dima bindei sindem jenti. Lewo no di yai ninghuisi wei kes hon ba, priet kin sisar bu bi.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.