LUKAS 5:21 - ALLAH NIHYET MEM TUNGWATU NYA

²¹ Guru puig timiei kin Farisi nya sindi isimbot kep biyam bipai “No di nihyet wer mpiahi tut Allah dini tou rin i? Lewo Allah Nongkom sindem mem gima kos ser sisar a.”

LUKAS 5:21 Iomraidhean Croise

MAZMUR 103:3

Noni kos ser jide sisar hagom bibindei dino jikei hanyen leu ninggwenti di hwen je hagom.

MAZMUR 130:4

Noro akos ser nyende sisar leu binhyepo nyeni ninyohou bit ahyet.

MAZMUR 32:5

Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

MAZMUR 35:5

Handei kon ba, tuhan de malaikati huk yok ba, idem kep biei nnir di ndung-diem di hou yai di bit hou nimig.

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

DANIEL 9:19

tuhan e, ma angig atingou mem nyeni nihyet ba, akos ser nyende sisar cem ba, ayok ngon kep nyeni cem leu api ma ayai abou tut nye haninyai! Ma abinyen au leu binhyepo mijo nibreisi mem tungwatu nya yahagom bipia Nangkom he rino Allah! Lewo anyeng tak kep minu ndig Yerusalem kin Ade limwa di ningat-ngat nya.”

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

IMAM NYA IDE MIDYAI 24:16

tug ndei hukum nimai. Bikwop tungwa tou rino sigion tuhan lene suar limwa Israel yahagom iba tig bihwen bimai hak. Hukum dima micut igkep mben Israel kin ngkiai nya di ibong timiei ei Israel yahagom drek dip ide nisigion tuhanti.

MIKHA 7:19

Mporo ma angon nggriu sut nye hanyen bu ba, akos ser nyende sisar. Mporo ma aco kep nyende sisar binnir-wap ba, acom hagom ug ei muk jou!

MATIUS 26:65

Pai nok rino Imam Nibou Ndig bisinggre birik nide sinsun bipai “Mei! No dini nihyet wer mpiahi tut Allah! Isuar yo di ikkin kep ninghapti bu bi. Nihyet di wer mpiahi tut Allah tibim ei jahagom jitingou nsi tu.

MATIUS 9:3

Guru Puig Yahudi nicukti nya ibou poi di ingat rin ei ig bei dima ikan ei ingonti “No dini nihyet wer mpiahi tut Allah.”

LUKAS 3:8

Ma jindo bindo tug hon jiyai munti bipia jittin ser jide sisar bijikiek ndam Allah tu! Ma jikan bipia jingwes ngun drek dip gi jintun Abraham him au. Ma jiyok ngon kep bipia Allah sindem mem gima bindei ba, tig di jo sinsiou dini yok hagom nok yo di intun Abraham him.

LUKAS 5:17

Njap poi bu tirigi Noni ngginau tungwatu nya lene Farisi nya kin guru Puig Yahudi nicukti nya di ikwei leu bikwop minu mien hagom ei Galilea kin hanjop Yudea kin minu ndig Yerusalem cem igwam bit Noni. Allah de nisindemti mem gima bindei ba, yo di inggwen ikei hanyen jo ei Noni dip.

LUKAS 5:22

Yesus kan tut ingon kanti leu api hig singgre yok “Jikan-kan nyen ei jingonti leu binggon i?

LUKAS 7:49

Yo di igyem njita bit Noni ihig yam “No di kos ser sisar dini ne Noni tou rin i?”

YOHANES 10:33

Mben Yahudi ibuhup “Nihwen Na drek dip Ade midyai di kei nya bi. Noro drek dip ahyet di wer mpiahi tut Allah. Nani ne tungwatu dihyeisi dini he rin noro apai sut Nanti bipia Nani ne Allah ri.”

ROMA 8:33

Gino Allah simbot dat tut Nide limwa di nyeni bipia ingon kwes kin Noni ne tou ripai kep nyeni i?