LUKAS 4:4 - ALLAH NIHYET MEM TUNGWATU NYA

⁴ Yesus buhup “Allah nihyet pai ‘Tungwatu nya igyaijo tug hon roti he bi.’ ”

LUKAS 4:4 Iomraidhean Croise

NEHEI LEUSI 23:25

Gino jikuk je bijinggei sut Da di tuhan nok jide Allah lene midinjei mun di kei nok njita di jiyem kin minyei su di jidut bak jeni ba, midicom ninggwenti nya hagom ei minu ting bibor leu je.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

YEREMIA 49:11

Je di mben Edom e, ma jikes jide moibihi nya biDa leu api midinyohou yok. Ma jisindui sut ba, kibom jide nya cem iba ingon com Da.

MATIUS 4:4

Noro Yesus pai “Allah Nihyet pai ‘Tungwatu nya igyaijo tug hon roti he bi noro tug hon nihyet di tibim ei Allah nuhui him cem.’ ”

MATIUS 6:31

Gima rino ma jingon bos-bos nyen tut njita di jiyem kin ndia ngei di jidut kin sinsun di jijuk bijo ninno au.

LUKAS 22:35

Niabiati bu ne Yesus hig ser yok “Tirigi po dicuk je ba, jintek gimahap tut Nihyet Di Kei pima ne dipai ser je bipia ma jittei bangdop kin minai kin srop au. Mpe dima lene jisuar mun nyeng hi e?” Lene ibuhup “Nisuar mun nyeng hi bi.”

LUKAS 4:10

Lewo Allah Nihyet pai ‘Allah micuk malaikati nya leu binhyepo inyohou Na mungkun kei ba,

LUKAS 4:3

Bilis pai biNoni “Gino Nani Allah Nipmot rin lene ma abindei tig dini yok nok roti.”

LUKAS 4:8

Yesus buhup “Allah nihyet pai ‘Ma jikuk je bak jide Allah ba, jibit Nongkom hak.’ ”

EFESUS 6:17

Ma jiyai niteu leu sisar kin niyaijo nijep kin je nok topi pran. Ma jiyai Allah nihyet di Ninnei su bije kin je nok singau simeda.

NINDAT KEP TUHAN NICUKTI NYA 8:3

Noni sindui sut je bijinggum bibor leu api yai manna bije nok jide njita. Hon kep mpe dima nimo jug ne jeni kin jidigup bat-jidigai bat nya jiyem njita nok gima hi bi sren. Noni yai nok gima leu binhyepo bingginau je bipia tungwatu nya igyaijo tug hon njita he bi noro tug hon nihyet di tibim ei tuhan nuhui him cem hagom.