LUKAS 3:11 - ALLAH NIHYET MEM TUNGWATU NYA

¹¹ Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”

LUKAS 3:11 Iomraidhean Croise

YEHEZKIEL 18:7

ris ei tungwatu nyati binggimang ndiyok leu yok cem bi. Noro noni tug mun di bindo hanyen bak no di dahat mun nyeng hi leu noni bingondut yo di yuhui mbum biyai njita biyok cem yai sinsun bak no di nyeng tut sinsun hi bi cem.

DANIEL 4:27

Gima rino na di Andigpoi e, ma ace tut ba, abit dipingok nati. Abon sisar bu au. Noro ma aba angon di kwes biyai mun di kei-kau ba, angondut yo di yuhui mbum nya cem. Mpaba tug hon nisinati dima ne mporo ma abong kei agwam kei bijo ninno.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 19:8

Yuug krau ig tu lene Zakheus kiju biya lene pai bak Yesus “Tuhan e, dikos tut bipia dikwas ditde ndigban nite hi tut yo di yuhui mbum nya. Gino diris mitiei leu tungwa hi tu lene midingkwei hanyen bak mbitai bram yam!”

YOHANES 13:29

Bihi ikan bigya Noni cuk Yudas buug pek mun di isuar mem Njap Ndig Paskah e, he ug kwas mitiei hi tut yo di yuhui mbum nya e? Ikan nok lewo Yudas rino krau mitiei bousi mem yok.

KISAH 10:2

No dini kin nide ig bei nsi nya yahagom iba ingon gom bikuk yok bak Allah. Noni singat tut mben Yahudi di yuhui mbum nya bingat nadi bak Allah bikwop njap ngwa hagom cem.

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 10:4

Kornelius tou kep malaikati dima nggilun ba, ninghuisi mpig sut lene buhup “Andigpoi e, anggo?” Malaikati dima buhup “Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

EFESUS 4:28

Ma ninggimang kep mun cig kes hon binggimang bu au. Noro ma kinyon ei midyai di kei bibor nyati biyai leu binhyepo ba ningon di sren bitug ndei nimuhup ba, bingondut nuhui mbum nya.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

TIMOTIUS GI NIGOM 6:18

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

YAKOBUS 2:14

He disut bat jen, gino hi pai sut nonti bipia ba ningon com Yesus tu lo, niyai munti nya bicim tindei nipaisi dima bi ne notou mem noni i? Nide niba ningon comti miteu noni leu sisar biyai niyaijo nijep binoni e?

YOHANES GI NIGOM 3:17

Gino no di nyeng tut ndigban ngat nisut di nuhwap mbum bingondut noni bi ne bit bon noni kon nihyet tut nonti bipai bipia Allah ningon ngakei yamti jo ei ningonti kan bi.

YOHANES GI NIGOM 4:20

Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.